ბსუ-ს ფიტოპათოლოგიისა და ბიომრავალფეროვნების ინსტიტუტის კოლხეთის ტორფნარებისა და წყლის ეკოსისტემების კონსერვაციის განყოფილების უფროსმა - იზოლდა მაჭუტაძემ ჩაატარდა სემინარი თემაზე: ,ტორფნარების როლი კლიმატის ცვლილების რეგულაციაში". სემინარს ინსტიტუტის თანამშრომლების გარდა ესწრებოდა ბსუ-ს საბუნებისმეტყველო და ჯანდაცვის ფაკულტეტის ბიოლოგიის დეპარტამენტის მაგისტრანტი, ქობულეთი მუნიციპა­ლიტეტის მერიის და ქობულეთის დაცული ტერიტორიების თანამშრომლები. მომხსენებელმა ისაუბრა ტორფნარების მნიშვნელობასა და მის როლზე კლიმატის ცვლილების რეგულაციაში. დაგეგმილი მოხსენების გარდა სემინარზე პრეზენტაცია წარმოადგინა აგრეთვე პოტსდამის უნივერსიტეტის სტუდენტმა მილენა მენშინგმა (ერაზმუს + გაცვლითი პროგრამის ფარგლებში) თემაზე: "როგორ ფუნქციონირებს ტორფნარი". პრეზენტაციების დასრულების შემდეგ გაიმართა საინტერესო ინტერაქცია დამსწრე საზოგადოებასა და მომხსენებლებს შორის.