ბათუმის შოთა რუსთაველის სახელმწიფო უნივერსიტეტის ფიტოპათოლოგიისა და ბიომრავალფეროვნების ინსტიტუტის მთავარმა მეცნიერ-თანამშრომელმა, ბიოლოგიის დოქტორმა, ავთანდილ მესხიძემ, უნივერსიტეტის მესამე მისიის ფარგლებში, ქობულეთის მუნიციპალიტეტის ლეღვას №2 საჯარო სკოლაში სამეცნიერო-პოპულარული ლექცია ჩაატარა თემაზე: ,,აგრარული განათლება ქვეყნის მომავალია“.

პრეზენტაციამ  მოსწავლეების, პედაგოგების, სკოლის ადმინისტრაციისა და ტექნიკური პერსონალის დიდი ინტერესი გამოიწვია, განსაკუთრებით,  სასოფლო-სამეურნეო კულტურების ინოვაციური მეთოდებით მოვლა-მოყვანის პერსპექტიულობის კუთხით. დაიგეგმა მომავალი აქტიური თანამშრომლობა ფიტოპათოლოგიისა და ბიომრავალფეროვნების ინსტიტუტთან.

აღნიშნული შეხვედრის მიზანია უნივერსიტეტისა და სკოლის პარტნიორობის გაძლიერება, პროფესიული ორიენტაციის ხელშეწყობა და მომავალ აბიტურიენტთა ინფორმირებული არჩევანის მხარდაჭერა.