რამდენიმე დღეში 2022 წელი ისტორიის საკუთრებად იქცევა. გასული წლის შეფასება-გადაფასება და მომავლის დაგეგმვა, პოზიტიური განწყობის შექმნა, საოჯახო ტრადიციები _ ამ და სხვა თემებზე ექიმი-ფსიქოლოგი, ბათუმის შოთა რუსთაველის სახელმწიფო უნივერსიტეტის ასისტენტი, ქალბატონი ეთერ ვარშანიძე გვესაუბრება
2022 წლის ივლისიდან ბათუმის შოთა რუსთაველის სახელმწიფო უნივერსიტეტის სტუდენტურ თვითმმართველობას ზუსტ მეცნიერებათა და განათლების ფაკულტეტის ზოგადი განათლების დაწყებითი საფეხურის მასწავლებლის მომზადების ინტეგრირებული საბაკალავრო-სამაგისტრო საგანმანათლებლო პროგრამის სპეციალობის მე-4 კურსის სტუდენტი, ლიკა დიასამიძე ხელმძღვანელობს. 107 წევრისგან დაკომპლექტებული გუნდი ცდილობს დაკისრებულ მოვალეობას წარმატებით გაართვას თავი. მათი უპირველესი მიზანია, სტუდენტური ცხოვრება თანატოლებისთვის მრავალფეროვანი გახადონ.
ანასტასია ოსადჩა, ანასტასია სავჩენკო, ანასტასია იელენევსკა და ტატიანა იგნატენკო, ბათუმის შოთა რუსთაველის სახელმწიფო უნივერსიტეტში საერთაშორისო ურთიერთობების სპეციალობის მეორე კურსზე, ერთი სემესტრის განმავლობაში, აკადემიური მობილობის პროგრამით ისწავლიან. ისინი უკრაინიდან არიან. ახალგაზრდები ემადლიერებიან ფაკულტეტის პერსონალს, მოსწონთ საქართველო და სამომავლო მიზნებსაც გვიმხელენ. მობილობის პროგრამა სასწავლებლებს შორის გაფორმებული მემორანდუმის ფარგლებში ხორციელდება.
ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტმა უკვე მეოთხედ უმასპინძლა საერთაშორისო სამეცნიერო კონფერენციას „ჰუმანიტარული მეცნიერებები ინფორმაციულ საზოგადოებაში _IV”, რომელიც აჭარის განათლების, კულტურისა და სპორტის სამინისტროს „უმაღლესი განათლების ხელშეწყობის“ პროგრამის დაფინანსების ფარგლებში ჩატარდა. ფორუმი ცხრა სექციად მუშაობდა და მასში 171-მდე სხვადასხვა ქვეყნის მეცნიერი მონაწილეობდა.
ბათუმის შოთა რუსთაველის სახელმწიფო უნივერსიტეტის ახალგაზრდა მკვლევრებმა შოთა რუსთაველის ეროვნული სამეცნიერო ფონდის კონკურსში გაიმარჯვეს. დოქტორანტებმა ეროვნული სამეცნიერო ფონდის გრანტი სხვადასხვა პროექტის განხორციელებისთვის მიიღეს. ახალბედა მეცნიერები ბათუმის უნივერსიტეტის რექტორმა მერაბ ხალვაშმა და რექტორის მოადგილემ - ანზორ ბერიძემ სიგელებით დააჯილდოვეს.
