ბათუმის შოთა რუსთაველის სახელმწიფო უნივერსიტეტის ისტორიის, არქეოლოგიის და ეთნოლოგიის დეპარტამენტის, სტუდენტთა მხარდაჭერის და მომსახურების სამსახურისა და სტუდენტთა სამეცნიერო ცენტრის ერთობლივი პროექტის „მოგზაურობა საქართველოს ისტორიულ რუკაზე“ ფარგლებში, ზენდიდის ციხის ნანგრევებთან ციალა ბეჟანიძის წიგნის „ზენდიდის ციხე“ წარდგინება ჩატარდა. წიგნი ბეჟანიძეთა გვარსა და მათ საგვარეულო ციხეს ეძღვნება. ისტორიულ წყაროებსა და დოკუმენტებზე დაყრდნობით ნაშრომში აღწერილია გვარის ისტორია, ეტიმოლოგია და აჭარის ერისთავ-ერისთავი აბუსერიძეების საგვარეულო.