ბათუმის შოთა რუსთაველის სახელმწიფო უნივერსიტეტსა და ვროცლავის ეკონომიკისა და ბიზნესის უნივერსიტეტს შორის დადებული თანამშრომლობის მემორანდუმის საფუძველზე, ეკონომიკისა და ბიზნესის ფაკულტეტის ფინანსები და საბანკო საქმის სამაგისტრო საგანმანათლებლო პროგრამის მეორე კურსის სტუდენტმა ბექა სარჯველაძემ და ბიზნესის ადმინისტრირების (ფინანსები) საბაკალავრო საგანმანათლებლო პროგრამის მეოთხე კურსის სტუდენტმა თინათინ როდინაძემ სტაჟირება გაიარეს სამხრეთ სილეზიის საინვესტიციო ფონდში (DFR Inwestycyjny), პოლონეთში. სტაჟირების წარმატებით დასრულება მათ ბსუ-ს რექტორი მერაბ ხალვაში და ეკონომიკისა და ბიზნესის ფაკულტეტის დეკანი ნათია წიკლაშვილმა სტუდენტებს შეხვდნენ, გაეცნენ მათ საქმიანობას უცხოეთში და წარმატებები უსურვეს.

ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის სტუდენტი გოჩა შაინიძე GFC -ის მსოფლიო ჩემპიონი გახდა. სპორტსმენმა GFC23-ზე თურქი სპორტსმენი ალფარენ კარაბულუთი (9 მოგება და 2 მარცხი) 3 წუთსა და 48 წამში დაამარცხა და მსოფლიო ჩემპიონის ქამარს დაეუფლა. გოჩა შაინიძემ 1 წლის განმავლობაში ორგანიზაციაში მეხუთე ორთაბრძოლა ჩაატარა და ხუთივეში დამაჯერებლად გაიმარჯვა, იგი ასევე საქართველოს ჩემპიონია შერეულ ორთაბრძოლებში და შავი ზღვის თასის მფლობელი კიკბოქსინგში. ბათუმის შოთა რუსთაველის სახელმწიფო უნივერსიტეტი გოჩა შაინიძეს ულოცავს ამ მნიშვნელოვან გამარჯვებას და წარმატებებს უსურვებს.

ბათუმის შოთა რუსთაველის სახელმწიფო უნივერსიტეტსა და ვროცლავის ეკონომიკისა და ბიზნესის უნივერსიტეტს შორის დადებული ურთიერთთანამშრომლობის მემორანდუმის საფუძველზე ბსუ-ს ეკონომიკისა და ბიზნესის ფაკულტეტის 2 სტუდენტი, ბექა სარჯველაძე - ფინანსები და საბანკო საქმის სამაგისტრო საგანმანათლებლო პროგრამის მეორე კურსის სტუდენტი და თინათინ როდინაძე - ბიზნესის ადმინისტრირების (ფინანსები) საბაკალავრო საგანმანათლებლო პროგრამის მეოთხე კურსის სტუდენტი, სტაჟირებას პოლონეთში ქვემო სილეზიის განვითარების ფონდის Investment DFR-ში გაივლიან. ფონდის მიზანია ცოდნისა და ფინანსური რესურსების ინვესტირება ქვემო სილეზიიდან მიკრო, მცირე და საშუალო საწარმოების განვითარებაში. სტუდენტები პოლონეთში 3 კვირას გაატარებენ და საინვესტიციო ფონდის თანამშრომლებთან ერთად იმუშავებენ.

ბსუ-ს ეკონომიკისა და ბიზნესის ფაკულტეტის პროფესორ-მასწავლებლებმა მონაწილეობა მიიღეს 3 -7 ივლისს, ბულგარეთში, ქალაქ ბურგასში გამართულ მე-7 საერთაშორისო სამეცნიერო კონფერენციაში „უკრაინა, ბულგარეთი, ევროკავშირი: მეცნიერების, ტექნოლოგიების და ინოვაციების განვითარების თანამედროვე ტენდენციები“. ასოცირებულმა პროფესორმა რამინ ცინარიძემ მოხსენება წარადგინა თემაზე: „ქვეყნის საინვესტიციო შესაძლებლობანი და რეგიონალური საინვესტიციო მიმზიდველობა“, მოწვეულმა უფროსმა მასწავლებელმა ლაშა ბერიძემ - „საფინანსო ორგანიზაციების როლი პირდაპირი უცხოური ინვესტიციების სტიმულირებაში“, დოქტორანტმა გიორგი რიჟვაძემ - „საქართველოს საინვესტიციო კლიმატის ანალიზი“, დოქტორანტმა ალეკო მელაძემ კი - „ქვეყნის საინვესტიციო გარემო და მისი გაუმჯობესების ინოვაციური სტრატეგიები“.

ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის ასოცირებულმა პროფესორმა ბესიკ ბოლქვაძემ საჯარო ლექცია ჩაატარა თემაზე: „საინვესტიციო პოლიტიკა საქართველოში (პრაქტიკის პრიზმით დანახული რეალობა)’’. საჯარო ლექციაზე მომხსენებელმა განიხილა საქართველოს საინვესტიციო გარემო და ტრენდები, მსმენელებს გაუზიარა სახელმწიფოსა და ინვესტორთა ურთიერთობის შესახებ საკუთარი გამოცდილება და უპასუხა აუდიტორიის მიერ დასმულ შეკითხვებს. საჯარო ლექციას ესწრებოდნენ ეკონიმიკისა და ბიზნესის ფაკულტეტის პროფესორ-მასწავლებლები და სტუდენტები, რომლებიც ძირითადად სახელმწიფოს მიერ გატარებული საინვესტიციო პოლიტიკის პრაქტიკული იმპლემენტაციის საკითხებით დაინტერესდნენ.