პირველად ფიტოპათოგენური ბაქტერიების ფაგები აღიწერა 20-იანი წლების ბოლოს (Mellmann... 1924; Coons E.N, Kolile I.E, 1925; Израельский, 1968), რომლებიც გამოყოფილი იქნა ნიადაგიდან, ჩამდინარე წყლიდან, მცენარეების დაზიანებული ქსოვილებიდან. ფიტობაქტერიოფაგები შეიძლება აღმოვაჩინოთ იქ, სადაც ბინადრობენ შესაბამისი ბაქტერიები: დაავადებული მცენარის ქსოვილში, ინფიცირებულ თესლში, ნიადაგში, ჩამდინარე წყლებში და ა.შ. ბაქტერიოფაგების გამოსაყოფად სასურველია, გამოყენებული იქნას მცენარის დაზიანებული უბანი, ან მასთან მიმდებარე ჯანმრთელი ქსოვილები, რადგან მეცნიერთა აზრით, ფაგი არ ვრცელდება დამოუკიდებლად დასნებოვნებულ მცენარეში, იგი ფაქტობრივად, კვალდაკვალ მისდევს შეჭრილ ბაქტერიას.

სამეცნიერო კვლევის მიზანი იყო დაგვეზუსტებინა აჭარის შავი ზღვის პირა ზონაში, ციტრუსების აგროცენოზში გავრცელებული მავნე(ფარიანები, ცრუფარიანები) და სასარგებლო (მტაცებელი, პარაზიტი) მწერების რიცხოვნების დინამიკა. შეგვერჩია ციტრუსების აგროცენოზში გავრცელებული ბიოლოგიური სისტემები. შეგვესწავლა ამ სისტემებში შემავალი სახეობების ბიოლოგიური თავისებურებები. მიღებული მონაცემების მათემატიკურ მოდელებში შეყვანა და კომპიუტერის გამოყენებით მათი რიცხოვნების დინამიკის პროგნოზირება.

ჯანმრთელი ელენთის ტრავმული დაზიანების მკურნალობის ძირითადი ტაქტიკა ქირურგიული ჩარევაა, ხოლო მეთოდს კი სპლენექტომია წარმოადგენს, რომელიც დღეისათვის ქირურგიული ჩარევის პრაქტიკულად ერთადერთ საშუალებად ითვლება, რასაც სანდო ჰემოსტაზითა და ოპერაციული ტექნიკის სიმარტივით ხსნიან. დღეისათვის გახშირდა ელენთის ქსოვილის შენარჩუნების მცდელობა, ტოტალური სპლენექტომიის უარყოფითი შედეგების თავიდან აცილების მიზნით.

არტერიული ჰიპერტენზიის გამოსავლენად აუცილებელია არტერიული წნევის გაზომვის დროს წარმოქმნილი მეთოდიკური სიძნელეების გადალახვა, როგორიცაა: წნევათა ასიმეტრია, აუსკულტაციური ჩავარდნა, თეთრი ხალათის ჰიპერტენზია, უსასრულო დიასტოლური ტონი, სისტოლური ფსევდოჰიპერტენზია იზოლირებული სისტოლური ჰიპერტენზიის დროს და ა.შ. არტერიული წნევის ზუსტი გაზომვის სიძნელეებს ქმნის, აგრეთვე, მოციმციმე არიტმია, ხშირი ექსტრასისტოლია და არასრული მეორე ხარისხის ატრიოვენტრი-კულური ბლოკადა.

თანამედროვე ქართული ენის სინტაქსში რამდენიმე სადავო საკითხია, ჩვენ მხოლოდ ორს შევეხებით, ესაა: ა) პრედიკატული განსაზღვრების საკითხი და ბ) -ში თანდებულიანი საწყისებისა და აბსტრაქტული სახელების სინტაქსური კვალიფიკაციის საკითხი. პრედიკატული განსაზღვრებას, როგორს წინადადების წევრს, არაერთი ენათმეცნიერი შეეხო და თავისებურად განსაზღვრა სახელობითში დასმული ვნებითი გვარის მიმღეობის სინტაქსური ფუნქცია. საუბარია ისეთ ფორმებზე, როგორიცაა: ბავშვი დაბნეული იყურებოდა აქეთ–იქით; ნიკო მორიდებული იდგა მამის წინ; მოხუცი ნაღვლიანი ისმენდა საუბარს; პაპა სახლში დაღონებული დაბრუნდა.