XXI საუკუნის დასაწყისი თანამედროვე თურქეთის საშინაო პოლიტიკაში განსაკუთრებით საინტერესოა, რადგანაც, სწორედ ამ პერიოდში, ქვეყნის ცხოვრებაში აქტიურად იჩინა თავი საერო და რელიგიური მიმართულების წრეთა დაპირისპირებამ.
XXI საუკუნის დასაწყისში ისლამური მიმართულების სამართლიანობისა და განვითარების პარტიის წარმატება მოულოდნელი არ იყო. მას ნიადაგი მოუმზადა XX საუკუნის 90 - იანმა წლებმა, როდესაც ისლამური ორიენტაციის კეთილდღეობის პარტიამ მოიპოვა შოკისმომგვრელი გამარჯვება და პირველად რესპუბლიკური თურქეთის ისტორიაში მოიპოვა უმრავლესობა პარლამენტში.
XXI საუკუნის დასაწყისში მოვლენათა ამგვარმა განვითარებამ შოკური ეფექტი მოახდინა, როგორც რესპუბლიკური თურქეთის საერო ხელისუფლებაზე, ისე დასავლელ პოლიტიკოსებზე.
ჩვენს მიერ წარმოდგენილი საკითხის მიზანია, ნათლად და სიღრმისეულად განვიხილოთ 2000 – 2024 წლების თურქეთის საშინაო პოლიტიკის აქტუალური საკითხები:
- თურქეთის საშინაო პოლიტიკა 2000-2024 წლებში და მისი გავლენის მექანიზმები საზოგადოებაზე;
- ისლამური სამართლიანობისა და განვითარების პარტიის როლი ქვეყნის პოლიტიკურ ცხოვრებაში;
- პოლიტიკური ისლამის ადგილი საერო თურქეთის საშინაო პოლიტიკაში.
პრობლემის ქრონოლოგიური ჩარჩო მოიცავს 2000-2024 წლებს. ეს უმთავრესად განაპირობა იმ გარემოებამ, რომ სწორედ ამ დროს თურქეთის პოლიტიკურ ცხოვრებაში დაიწყო ახალი ეტაპი, რომელიც ხასიათდება პოლიტიკური ისლამის შემდგომი აღმავლობით ქვეყნის საზოგადოებრივ – პოლიტიკურ ცხოვრებაში, რამაც ისლამური სამართლიანობისა და განვითარების პარტიას დიდი წარმატებები მოუტანა და ნათელი გახადა მათი პოზიციები და დამოკიდებულება დემოკრატიული ღირებულებებისადმი თანამედროვე თურქეთის საშინაო პოლიტიკაში.
ამგვარად, აღნიშნული საკითხების ანალიზი ნათელს მოფენს 2000 – 2024 წლების თურქეთის საშინაო პოლიტიკის ზემოაღნიშნულ საკითხებს.
პრეზენტაცია| უკან |
