მთიან აჭარაში მეურნეობის დარგობრივ სტრუქტურაში განსაკუთრებული ადგილი ტურიზმს უჭირავს, მაგრამ მისი განვითარება რიგ პრობლემებთან არის დაკავშირებული. რეგიონის ბუნებრივი გარემოს ნაკლებ მდგრადობის პირობებში  საჭიროა კლასტერული მიდგომით არსებული გამოწვევების  ინტერდისციპლინარული შეფასება, ტურისტულ-რეკრეაციული რესურსული პოტენციალის განსაზღვრა და ადგილობრივი მოსახლეობის ინტერესებიდან გამომდინარე რაციონალური ბუნებათსარგებლობის პირობებში ტურიზმის პრიორიტეტების დასახვა.  გარკვეულია კლასტერში შემავალი სუბიექტები, მათი ფუნქციები  და ადგილი ტურიზმის ინოვაციური პოლიტიკის შემუშავებაში.