ბათუმის N2 საჯარო სკოლის VII-VIII კლასის მოსწავლეები, სასწავლო პროექტის ფარგლებში ბათუმის სახელმწიფო უნივერსიტეტის მათემატიკის დეპარტამენტს ეწვივნენ. ვიზიტის ფარგლებში მოსწავლეებმა წარადგინეს პროექტი „გეომეტრია ჩემს გაკვეთილზე“, რომელმაც გამარჯვება მოიპოვა აჭარის განათლებისა და სპორტის სამინისტროს მიერ გამოცხადებულ კონკურსში „ჩემს გაკვეთილზე“.

ბათუმის შოთა რუსთაველის სახელმწიფო უნივერსიტეტში უნივერსიტეტის ადმინისტრაციას, განათლების მიმართულების საგანმანათლებლო პროგრამის განმახორციელებელ პერსონალსა და განათლების სფეროს წარმომადგენლებს შორის სამუშაო შეხვედრა გაიმართა. შეხვედრა მიზნად ისახავდა განათლების მიმართულებით არსებული პროგრამების წარდგენას, მათი პრაქტიკული და კვლევითი კომპონენტების მნიშვნელობის განხილვასა და დამსაქმებლებთან ურთიერთობის გაღრმავებას.

ბსუ-ს ზუსტ მეცნიერებათა და განათლების ფაკულტეტის მათემატიკის დეპარტამენტის პროფესორ-მასწავლებლები მათემატიკის გაძლიერებული სწავლების ბათუმის №6 საჯარო სკოლის მე-11 კლასის მოსწავლეებს შეხვდნენ. მათემატიკის დეპარტამენტის ხელმძღვანელმა, პროფესორმა დალი მახარაძემ, პროფესორმა ლელა თურმანიძემ და პროფესორმა ონისე სურმანიძემ შეხვედრაზე ისაუბრეს მათემატიკის როლზე თანამედროვე ტექნოლოგიების განვითარების ეპოქაში, განსაკუთრებით კი, მის მნიშვნელობაზე მომიჯნავე დარგებისთვის.

ბათუმის შოთა რუსთაველის სახელმწიფო უნივერსიტეტის ზუსტ მეცნიერებათა და განათლების ფაკულტეტის ფიზიკის დეპარტამენტის ასისტენტ პროფესორის მირანდა ხაჯიშვილის ხელმძღვანელობით ბსუ-ს ეწვივნენ თეიმურაზ ჯორბენაძის სახელობის ქობულეთის N3 საჯარო სკოლის მოსწავლეები. ფიზიკის დეპარტამენტის ხელმძღვანელმა პროფ. ნუგზარ ღომიძემ მოსწავლეებს ჩაუტარა ლექცია ფიზიკის აქტუალურ საკითხებზე, ხოლო ასისტენტ პროფესორმა მირანდა ხაჯიშვილმა - „პოპულარული საკითხები ასტრონომიაში“.

აჭარის არ განათლების და სპორტის სამინისტროს, ააიპ აჭარის განათლების ფონდის მიერ ორგანიზებულ შვეიცარიის ქალაქ ჟენევაში მდებარე ბირთვული კვლევების ევროპულ ცენტრში (CERN) სტაჟირებაზე იმყოფებოდა 2025 წლის პედაგოგთა შესარჩევი კონკურსის გამარჯვებული ფიზიკის დეპარტამენტის ასისტენტ პროფესორი მირანდა ხაჯიშვილი.