ბათუმის შოთა რუსთაველის სახელმწიფო უნივერსიტეტს ლიეტუვის მიკოლას რომერის უნივერსიტეტის დელეგაცია ეწვია მიკოლას რომერის უნივერსიტეტის სამართლის სკოლის დეკანის, პროფესორ ლირა იაკულევიჩიენეს ხელმძღვანელობით. ბსუ-ს რექტორთან, პროფესორ მერაბ ხალვაშთან გამართულ შეხვედრაზე მიკოლას რომერის უნივერსიტეტის წარმომადგენლებმა უნივერსიტეტებს შორის სამართლის მიმართულებით თანამშრომლობის გაღრმავებასა და სამომავლო გეგმებზე იმსჯელეს. დაიგეგმა ერთობლივი სამართლის სამაგისტრო პროგრამის შემუშავება, სტუდენტებისა და პროფესორ-მასწავლებლებისათვის კვლევითი მიმართულებით თანამშრომლობის გაღრმავება, სამეცნიერო კონფერენციის ჩატარება, ერთობლივი პროექტების განხორციელება.

„ერაზმუს+“-ის აკადემიური პერსონალის გაცვლითი პროგრამის ფარგლებში, ბათუმის შოთა რუსთაველის სახელმწიფო უნივერსიტეტში ლიეტუვის მიკოლას რომერის უნივერსიტეტის სამართლის სკოლის დეკანი პროფესორი, ლირა იაკულევიჩიენე, დეკანის მოადგილე საერთაშორისო ურთიერთობების მიმართულებით იოლანთა აპოლევიჩ და სამართლის სამაგისტრო პროგრამების ხელმძღვანელი პროფესორი ვირჯინიუს ბიტე იმყოფებოდნენ.