ევროკავშირის პროექტის „მედიაცია: ტრენინგი და საზოგადოების ტრანსფორმაცია“ ფარგლებში გამართულ ონლაინ ტრენინგ-შეხვედრას ბსუ-ს იურიდიული და სოციალურ მეცნიერებათა ფაკულტეტმა უმასპინძლა. პროექტის ფარგლებში იგეგმება მედიაციის მოკლევადიანი პროგრამის ამოქმედება. შეხვედრას უძღვებოდნენ: მედიაციის მოკლევადიანი პროგრამის ხელმძღვანელი ქეთევან ბერიძე, იურიდიული და სოციალურ მეცნიერებათა ფაკულტეტის დეკანი ლევან ჯაყელი და პროექტ MEDIATS-ის მენეჯერი ქეთევან დევაძე. ღონისძიებაზე მოკლევადიანი პროგრამის განხორციელების პროცესში ჩართული აკადემიური პირები გაეცნენ პროექტის მიზნებს, ამოცანებს, სამომავლო გეგმებსა და მოსალოდნელ შედეგებს. ონლაინ ტრენინგ-შეხვედრა დისკუსიით დასრულდა.

ბათუმის შოთა რუსთაველის სახელმწიფო უნივერსიტეტის იურიდიულ და სოციალურ მეცნიერებათა ფაკულტეტის ორგანიზებით შეხვედრა გაიმართა. შეხვედრის მონაწილეებმა სამართალმოცდნეობის საგანმანათლებლო პროგრამაზე მოქმედი და დაგეგმილი პრაქტიკული კურსების დეტალები და იმიტირებული სასამართლო პროცესის შეჯიბრის საორგანიზაციო საკითხები. შეხვედრას ესწრებოდნენ საქართველოს სამართლის ინსტიტუტის აღმასრულებელი დირექტორი ნათია ხანთაძე, ბსუ-ს იურიდიულ და სოციალურ მეცნიერებათა ფაკულტეტის დეკანი ლევან ჯაყელი და ბსუ-ს სსამართლისა და საჯარო მმართველობის დეპარტამენტის ხელმძღვანელი ომარ ფარტენაძე.

ZOOM-ის ონლაინ პლატფორმაზე, ბსუ-ს იურიდიული კლინიკის ორგანიზებით, ონლაინ შეხვედრა „მე და სამართალი’’ გაიმართა. ღონისძიება ჩატარდა პროგრამის „მომავლის თაობის’’ ფარგლებში, ამერიკული ორგანიზაცია PH international-ის მიერ ამერიკის შეერთებული შტატების საერთაშორისო განვითარების სააგენტოს (USAID) დაფინანსებითა და საქართველოს განათლების კულტურისა და სპორტის სამინისტროს მხარდაჭერით.ჩართვაში მონაწილება მიიღო ბსუ-ს იურიდიული კლინიკის ხელმძღვანელმა, კლინიკის წევრ-სტუდენტებმა და აღნიშნულ პროგრამაში ჩართული პარტნიორი სკოლის IX, X და XI 9-ე, კლასის მოსწავლეებმა.ღონისძიების ფარგლებში გაიმართა დისკუსია ისეთ აქტუალურ საკითხებზე, როგორიცაა: სამართალი და კანონი, სამართალი და სამართლიანობა, სამართლის ფუნქციები, ნორმები, ნიშნები, სამართლებრივი ურთიერთობები, სამართლის როლი საზოგადოების ცნობიერების ამაღლებაში.

ბსუ-ს იურიდიული და სოციალურ მეცნიერებათა ფაკულტეტის ორგანიზებით საქართველოს დამოუკიდებლობის დღისადმი მიძღვნილი კონფერენცია: „დამოუკიდებლობის მოპოვება, აღდგენა, შენარჩუნება“ ჩატარდა ZOOM-ის ონლაინ პლატფორმაზე. სესიაზე საქართველოს სხვადასხვა უმაღლესი საგანმანათლებლო დაწესებულების პროფესორ-მასწავლებლებმა მოხსენებები წარმოადგინეს 1918 წლის 26 მაისის მოვლენებთან დაკავშირებულ საკითხებზე. განხილული იყო ისეთი აქტუალური საკითხები, როგორიცაა: „1918 წლის 26 მაისი მის თანამედროვეთა აღქმებსა და შეფასებებში“, „დამოუკიდებლობის აქტით დეკლარირებული პრინციპების დამკვიდრება საქართველოს 1921 წლის კონსტიტუციაში“, „საქართველოს დემოკრატიული რესპუბლიკის საკანონმდებლო ორგანო და კანონმდებლობის ძირითადი მიმართულებანი (1918-1921)“, „ბათუმის საკითხი 1918 წლის მარტის ტრაპიზონისა და მაისის ბათუმის კონფერენციებზე“, „დამოუკიდებლობიდან დამოუკიდებლობამდე (კონსტიტუციონალიზმის განვითარების ეტაპები)“.

ბათუმის შოთა რუსთაველის სახელმწიფო უნივერსიტეტში სამართლის მიმართულებით ახალი პროექტი განხორციელდება. ბსუ გახდა ამერიკის შეერთებული შტატების საერთაშორისო განვითარების სააგენტოს (USAID) პროგრამის - „კანონის უზენაესობის მხარდაჭერა საქართველოში“ (PROLoG) - მიერ გამოცხადებული კონკურსის „ადამიანის უფლებათა სამართლის მიმართულება“ გამარჯვებული სულხან-საბა პორბელიანის უნივერსიტეტის ერთ-ერთი პარტნიორი.