ბათუმის შოთა რუსთაველის სახელმწიფო უნივერსიტეტის აკადემიური საბჭოს გადაწყვეტილებით, ტურიზმის ფაკულტეტის პროფესორი ანზორ დევაძე და აგრარული და მემბრანული ტექნოლოგიების ინსტუტუტის მემბრანული ტექნოლოგიების განყოფილების უფროსი რაულ გოცირიძე ბსუ-ს განვითარებაში შეტანილი განსაკუთრებული წვლილისა და ხანგრძლივი ნაყოფიერი სამეცნიერო-პედაგოგიური მოღვაწეობისათვის ბსუ-ს საპატიო ჯილდოთი - შოთა რუსთაველის მედლით დაჯილდოვდნენ.
ბათუმის შოთა რუსთაველის უნივერსიტეტში ჰუმანიტარულ მეცნიერებათა ფაკულტეტის აღმოსავლეთმცოდნეობის დეპარტამენტის 10 წლის იუბილე აღინიშნა. სხდომაზე ბსუ-ს რექტორმა, ტიტე აროშიძემ დეპარტამენტის პროფესორ-მასწავლებლებს საიბილეო თარიღი მიულოცა, საუნივერსიტეტო ცხოვრებაში შეტანილი წვლილისთვის მადლობის სიგელები გადასცა და წარმატებები უსურვა.
ბათუმის შოთა რუსთაველის სახელმწიფო უნივერსიტეტსა და „ქი ქონსალთინგს“ შორის ურთიერთთანამშრომლობის მემორანდუმი გაფორმდა. მემორანდუმს ხელი მოაწერეს ბათუმის შოთა რუსთაველის სახელმწიფო უნივერსიტეტის რექტორმა, ტიტე აროშიძემ და „ქი ქონსალთინგის“ დირექტორმა, ლიკა ოხანაშვილმა. თანამშრომლობის ფარგლებში მხარეები ერთობლივად განახორციელებენ კვლევით პროექტებს, კონფერენციებსა და სამუშაო შეხვედრებს საგანმანათლებლო მიმართულებით.
