ახალი ამბები

ბსუ-ს სტუდენტებმა: სალომე აბულაძემ, ნესტან ვარშანიძემ, გიორგი აბაშიძემ და გიორგი ბაციკაძემ შოთა რუსთაველის ეროვნული სამეცნიერო ფონდის მაგისტრანტთა სასწავლო-კვლევითი პროექტების გრანტით დაფინანსების კონკურსში გაიმარჯვეს. საბუნებისმეტყველო მეცნიერებათა და ჯანდაცვის ფაკულტეტის სტუდენტი სალომე აბულაძე განახორციელებს პროექტს - „ბუნებრივი და ხელოვნური ჰუმორული (ანტისხეულები) იმუნიტეტის შესწავლა Sars-Cov-2-ის მიმართ სამედიცინო პერსონალში“ (ხელმძღვანელები, ასოცირებული პროფესორები: ლეილა ახვლედიანი და მარინა ნაგერვაძე).

ბათუმის შოთა რუსთაველის სახელმწიფო უნივერსიტეტმა ალერგოლოგ-იმუნოლოგ ბიძინა კულუმბეგოვს უმასპინძლა. სტუდენტებთან და პროფესორ-მასწავლებლებთან გამართულ შეხვედრაზე ბიძინა კულუმბეგოვმა კორონავირუსისა და მისი საწინააღმდეგო ვაქცინაციის შესახებ ისაუბრა და დამსწრე საზოგადოების აქტუალურ შეკითხვებს უპასუხა. ასევე, შეხვედრის დასრულების შემდეგ, მსურველებს სპეციალისტების ზედამხედველობის ქვეშ აცრის შესაძლებლობა ჰქონდათ.

ბათუმის შოთა რუსთაველის სახელმწიფო უნივერსიტეტის აკადემიურმა საბჭომ მეცნიერებისა და განათლების განვითარებაში შეტანილი წვლილისთვის ბსუ-ს ემერიტუს-პროფესორ გურამ ჩაგანავას 80 წლის იუბილესთან დაკავშირებით მადლობის სიგელი და ფიტოპათოლოგიისა და ბიომრავალფეროვნების ინსტიტუტის მეცნიერს იზოლდა მაჭუტაძეს შოთა რუსთაველის სახელობის მედალი და საპატიო სიგელი გადასცა. აკადემიური საბჭოს სხდომაზე რექტორმა, პროფესორმა მერაბ ხალვაშმა ემერიტუს-პროფესორ გურამ ჩაგანავასა და მეცნიერ იზოლდა მაჭუტაძეს დაჯილდოება მიულოცა, მათ მიღწევებზე ისაუბრა, მადლობა გადაუხადა ნაყოფიერი მოღვაწეობისათვის და წარმატებები უსურვა.

ბათუმის შოთა რუსთაველის სახელმწიფო უნივერსიტეტმა წმინდა მოწამე ეკატერინეს სახელობის სათნოების სავანეში მორიგი საქველმოქმედო აქცია გამართა. ღონისძიების ფარგლებში, უნივერსიტეტის რექტორმა, პროფესორმა მერაბ ხალვაშმა, ადმინისტრაციის ხელმძღვანელმა ნიკა ჩხარტიშვილმა და ტურიზმის ფაკულტეტის დეკანმა ირაკლი კორძაიამ სათნოების სახლის მაცხოვრებლებს ახალი წელი მიულოცეს და საჩუქრად სასურსათო პროდუქტები და ტკბილეული გადასცეს. ბათუმის წმინდა მოწამე ეკატერინეს სახელობის სათნოების სავანეში 130-მდე ბენეფიციარი ცხოვრობს. საქველმოქმედო აქცია უნივერსიტეტმა სოციალური პასუხისმგებლობის ფარგლებში განახორციელა.

ქალაქ ბათუმის მერმა არჩილ ჩიქოვანმა ბათუმის შოთა რუსთაველის სახელმწიფო უნივერსიტეტის ღვაწლმოსილი პროფესორ-მასწავლებლები და მკვლევრები განათლების სფეროში ხანგრძლივი ნაყოფიერი საქმიანობისა და მეცნიერებაში შეტანილი განსაკუთრებული წვლილისათვის დააჯილდოვა.ფიტოპათოლოგიისა და ბიომრავალფეროვნების ინსტიტუტის მეცნიერს იზოლდა მაჭუტაძეს, აგრარული და მემბრანული ტექნოლოგიების ინსტიტუტის მეცნიერს რაულ გოცირიძეს, ნიკო ბერძენიშვილის ინსტიტუტის მკვლევრებს ჯემალ ვარშალომიძეს და ჯემალ მიქელაძეს, ჰუმანიტარულ მეცნიერებათა ფაკულტეტის ლექტორებს ნოდარ ბარამიძეს, ციალა მდინარაძეს და ბიბლიოთეკარს მერი ლომინაძეს დამსახურებული მოღვაწის წოდება მიენიჭათ.