ახალი ამბები

ბათუმის შოთა რუსთაველის სახელმწიფო უნივერსიტეტის, ფრანგული ენის მასწავლებელთა ასოციაციის და ბათუმის ბულვარის ორგანიზებით საფრაგეთის ეროვნული დღესასწაული სხვადასხვა აქტივობებით აღინიშნა. ღონისძიება ბსუ-ში საქართველოში საფრანგეთის ელჩმა პასკალ მენიემ, უნივერსიტეტის რექტორმა მერაბ ხალვაშმა და ქალაქ ბათუმის მერმა ლაშა კომახიძემ გახსნეს. უნივერსიტეტის ფოიეში მოეწყო ფაბლაბ ბსუ-ს ნამუშევრების გამოფენა, ძველი ბულვარის ამსახველი ექსპოზიცია, ქართულ-ამერიკულმა სკოლამ და სკოლამ „ევრო 2000“ ფრანგული ლიტერატურის პერსონაჟები გააცოცხლეს და მოსწავლეების ნახატები გამოფინეს. ღონისძიება მუსიკალურად გააფორმა უნივერსიტეტის ბენდმა, ასევე შესრულდა მელოდიები აკორდეონით და კლასიკური მუსიკალური ნომრები ფორტეპიანოზე.

ბათუმის შოთა რუსთაველის სახელმწიფო უნივერსიტეტს აქტიური საკომუნიკაციო კამპანიის ფარგლებში განათლების ხარისხის განვითარების ეროვნული ცენტრის დირექტორი გიორგი ვაშაკიძე, დირექტორის მოადგილე ეკატერინე ბაღიშვილი და ცენტრის სხვადასხვა სტრუქტურული ერთეულების ხელმძღვანელები სტუმრობდნენ. შეხვედრაზე განიხილეს უნივერსიტეტში მიმდინარე საკითხები და დასახეს ცენტრსა და უნივერსიტეტს შორის სამომავლო თანამშრომლობის მიმართულებები.

ბათუმის შოთა რუსთაველის სახელმწიფო უნივერსიტეტის რექტორმა მერაბ ხალვაშმა და ილიას სახელმწიფო უნივერსიტეტის რექტორმა გიგა ზედანიამ თანამშრომლობის მემორანდუმს მოაწერეს ხელი. დოკუმენტი უნივერსიტეტებს შორის სოციოლოგიური კვლევების განვითარებას და სასწავლო და სამეცნიერო პროექტების განხორციელებას ითვალისწინებს. თანამშრომლობის ფარგლებში 11 ივლისიდან 25 ივლისის ჩათვლით ილიას სახელმწიფო უნივერსიტეტის მკვლევართა გუნდი, ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის ინიციატივით იწყებს მოსახლეობის ღირებულებების კვლევას აჭარაში. სოციოლოგიური კვლევა იქნება რაოდენობრივი ხასიათის, კერძოდ, გამოიკითხება 1200 ადამიანი და მოიცავს აჭარის ავტონომიური რესპუბლიკის ექვსივე მუნიციპალიტეტს.

ბსუ-ში ფილოლოგიისა და არქიტექტურის მეცნიერებათა დოქტორმა, ანთროპოლოგმა კატალინ დ. კონსტანტინმა ევროპული ქალაქების მოედნებისა და მათი ისტორიების შესახებ ლექცია წაიკითხა. კატალინ დ. კონსტანტინმა ვიდეორგოლის სახით წარმოადგინა პროფესიონალური დრონით გადაღებული ევროპის ურბანული მოედნები და მის ისტორიულ, არქიტექტურულ, კულტურულ და სოციალურ მნიშვნელობაზე ისაუბრა. ლექციის დასასრულს დიგეგმა ბათუმის შოთა რუსთაველის სახელმწიფო უნივერსიტეტსა და ბუქარესტის უნივერსიტეს შორის მემორანდუმის გაფორმება და არქიტექტურისა და ფილოლოგიის მიმართულებით გაცვლითი პროგრამების ამოქმედება.

მოლდოვას რესპუბლიკის საგანგებო და სრულუფლებიანი ელჩი გეორგე ლეუკა ბათუმის შოთა რუსთაველის სახელწიფო უნივერსიტეტის რექტორს მერაბ ხალვაშს შეხვდა. გაცნობითი ხასიათის შეხვედრაზე მხარეებმა ორ ქვეყანას შორის არსებულ მეგობრულ ურთიერთობაზე ისაუბრეს და საგანმანათლებლო მიმართულებით სამომავლო თანამშრომლობის გეგმები განიხილეს. შეხვედრაზე ყურადღება გაამახვილეს ბათუმის შოთა რუსთაველის სახელმწიფო უნივერსიტეტსა და მოლდოვას უმაღლეს საგანმანათლებლო დაწესებულებებს შორის ერთობლივი პროექტების განხორციელებასა და გაცვლითი პროგრამების ამოქმედებაზე.