ახალი ამბები

ბსუ-ს კლიმატგონივრული სოფლის მეურნეობის ექსტენციის პროექტის ფარგლებში აშშ-ის სოფლის მეურნეობის დეპარტამენტის და „მომავლის ფერმერის“ წარმომადგენლები ეწვივნენ. USDA-ის ვაშინგტონის ოფისის პროექტის ხელმძღვანელები: ქრეიგ ტენი, რაფაელ გუტიარესი, ოფისის წარმომადგენელი საქართველოში დემნა ძირკვაძე და „მომავლის ფერმერის" პროექტების მენეჯერი ნატალი კლდიაშვილი ბსუ-ს რექტორს მერაბ ხალვაშს და ადმინისტრაციის ხელმძღვანელს მერაბ დიასამიძეს შეხვდნენ. მხარეებმა შეხვედრაზე განხორციელებული პროექტები განიხილეს და სამომავლო თანამშრომლობის მიმართულებებზე იმსჯელეს. მიმდინარე წელს უნივერსიტეტის ჩართულობით კლიმატგონივრული სოფლის მეურნეობის მიმართულებით დაიგეგმა კონკრეტული ღონისძიებების განხორცილება.

ბათუმის შოთა რუსთაველის სახელმწიფო უნივერსიტეტში ფრანკოფონიის კვირეული ‘’ფრანკოფონია-2024’’ გაიხსნა. კვირეული სკოლის მოსწავლეების ნახატების გამოფენით დაიწყო და ფრანგული ენის კონკურსით გაგრძელდა. კონკურსში, სახელწოდებით ‘’Bonjour la France’’ რეგიონის საჯარო და კერძო სკოლის მოსწავლეები მონაწილეობდნენ. გამარჯვებულ მოსწავლეებს სერტიფიკატები კვირეულის დასკვნით ცერემონიაზე გადაეცემათ. კვირეულის ფარგლებში, 29 მარტს ბსუ-ში ფრანკოფონიის საუნივერსიტეტო სააგენტოს დასაქმების ფრანკოფონული ცენტრი (CEF) გაიხსნება, რომელიც ხელს შეუწყობს სტუდენტებსა და კურსდამთავრებულებს დასაქმებაში და სამეწარმეო უნარების განვითარებაში.

ბათუმის შოთა რუსთაველის სახელობის სახელმწიფო უნივერსიტეტში მომხმარებლის უფლებების დაცვის II საერთაშორისო კვირეულის ფარგლებში შეხვედრა გაიმართა. შეხვედრა ბსუ-ს რექტორმა მერაბ ხალვაშმა გახსნა და საქართველოში მომხმარებლის უფლებების დაცვის მნიშვნელობაზე ისაუბრა. რექტორმა ყურადღება გაამახვილა საგანმანათლებლო პროგრამებში მომხმარებლის უფლებების დაცვის მიმართულებით კურსის განხორციელების აუცილებლობაზე.

ბათუმის შოთა რუსთაველის სახელმწიფო უნივერსიტეტს ორდუს უნივერსიტეტის დელეგაცია ეწვია. ორდუს უნივერსიტეტის რექტორი პროფესორი ორჰან ბაში, სოციალურ მეცნიერებათა ინსტიტუტის დირექტორი, სულეიმან ერკამ სულაკი, სოციალურ მეცნიერებათა ინსტიტუტის დირექტორის მოადგილე სანიე ნურ ერგანი, საერთაშორისო ურთიერთობების კოორდინატორი ჰასან ჰუსეინ მუთლუ და „Erasmus+“-ის ინსტიტუციური კოორდინატორი სელინ იურდაკული ბსუ-ს რექტორს, პროფესორ მერაბ ხალვაშს შეხვდნენ.

ბათუმის შოთა რუსთაველის სახელმწიფო უნივერსიტეტის რექტორი, პროფესორი მერაბ ხალვაში, ტურიზმის ფაკულტეტის დეკანი, ასოცირებული პროფესორი ირაკლი კორძაია და მასპინძლობის მენეჯმენტის დეპარტამენტის ხელმძღვანელი, პროფესორი როსტომ ბერიძე მსოფლიოში ერთ-ერთ უდიდეს ტურისტულ გამოფენაზე - „ITB Berlin 2024“ იმყოფებოდნენ. ვიზიტი მიზნად ისახავდა ტურიზმის მიმართულების საგანმანათლებლო პროგრამების მქონე უნივერსიტეტების და სტუდენტების გერმანიის ტურიზმის ინდუსტრიის ორგანიზაციებში საწარმოო პრაქტიკის ობიექტების არსებულ და პერსპექტიულ პარტნიორებთან შეხვედრებს, ტურიზმის სფეროში ინოვაციების, სიახლეების და მსოფლიო ტურიზმის განვითარების ტენდენციების გაცნობას.