ტრაპიზონის ევრაზიის უნივერსიტეტში აღმოსავლეთ შავიზღვისპირეთის რეგიონების უნივერსიტეტების რექტორთა შეხვედრა გაიმართა. უმაღლესი საგანმანათლებო დაწესებულებების რექტორებმა ორმხრივი ურთიერთობების გაღრმავების საკითხები და უნივერსიტეტების სამომავლო თანამშრომლობის პერსპექტივები განიხილეს.
ბათუმის შოთა რუსთაველის სახელმწიფო უნივერსიტეტისა და ფრანკფურტის გოეთეს უნივერსიტეტის ერთობლივი საერთაშორისო საზაფხულო სკოლა „დიგიტალური ჰუმანიტარია - ენისა და კულტურის ელექტრონული დოკუმენტაცია“ დასრულდა. შემაჯამებელ შეხვედრაზე ბსუ-ს რექტორის მოვალების შემსრულებელმა, ასოცირებულმა პროფესორმა მერაბ ხალვაშმა კონკურსის წესით შერჩეულ 25 სტუდენტს სერტიფიკატები გადასცა. აჭარის ა.რ. კულტურისა და სპორტის მინისტრმა გიორგი თავამაიშვილმა პროქტის მნიშვნელობაზე ისაუბრა და მონაწილეებს წარმატებები უსურვა. ბათუმის საზაფხულო სკოლა 2012 წლიდან ყოველწლიურად ტარდება და მიზნად ისახავს დიგიტალური ჰუმანიტარიის განვითარებას საქართველოში. საზაფხულო სკოლის ბაზაზე ბათუმის შოთა რუსთაველის სახელმწიფო უნივერსიტეტში უკვე მომზადდა და აკრედიტაცია მოიპოვა დამატებითმა (Minor) პროგრამამ „დიგიტალურ ჰუმანიტარიაში“.
17-27 აგვისტოს ბათუმის შოთა რუსთაველის სახელმწიფო უნივერსიტეტში პროექტის “კონფლიქტების ინსტიტუციონალურად ორიენტირებული კვლევა” (ICCS) ფარგლებში საზაფხულო სკოლა ჩატარდა. მასში უცხოელ ექსპერტებთან ერთად ბათუმის შოთა რუსთაველის სახელმწიფო უნივერსიტეტის პროფესორები, მეცნიერ-თანამშრომლები და სტუდენტები მონაწილეობდნენ. საზაფხულო სკოლა მიზნად ისახავდა კონფლიქტების ინსტიტუციური მიდგომების შესწავლას, კვლევასა და თეორიული ცოდნის პრაქტიკაში გამოყენებას.
ბათუმის სახელმწიფო უნივერსიტეტი IV საერთაშორისო საზაფხულო სკოლას „დიგიტალური ჰუმანიტარია - ენისა და კულტურის ელექტრონული დოკუმენტირება“ მასპინძლობს. ათდღიანი საერთაშორისო საზაფხულო სკოლა ბათუმის შოთა რუსთაველის სახელმწიფო უნივერსიტეტისა და ფრანკფურტის გოეთეს უნივერსიტეტის ორგანიზებით მეოთხედ ტარდება და მასში საქართველოს უმაღლესი საგანმანათლებლო დაწესებულებებიდან 25 სტუდენტი მონაწილეობს. ლექციებს ბათუმის შოთა რუსთაველის სახელმწიფო უნივერსიტეტის პროფესორებთან ერთად, ივანე ჯავახიშვილის სახელობის თბილისის სახელმწიფო უნივერსიტეტის, თავისუფალი უნივერსიტეტის, ფრანკფურტის გოეთეს უნივერსიტეტისა და ჰოლანდიის ნეიმეხენის უნივერსიტეტის პროფესორები წაიკითხავენ.
ბათუმის შოთა რუსთაველის სახელმწიფო უნივერსიტეტისა და ავსტრიის გრაცის უნივერისტეტთან თანამშრომლობის ფარგლებში მესამე ერთობლივი საზაფხულო სკოლა - „ევროპული სამართალი სამხრეთ კავკასიაში“ (EULISC) გაიხსნა. საზაფხულო სკოლა ბსუ-ს რექტორის მოვალეობის შემსრულებელმა, ასოცირებულმა პროფესორმა მერაბ ხალვაშმა, იურიდიული ფაკულტეტის დეკანმა ადამ მახარაძემ, ქ. ბათუმის მერმა გიორგი ერმაკოვმა, რელიგიის საკითხთა სახელმწიფო სააგენტოს თავმჯდომარემ ზაზა ვაშაყმაძემ და საქართველოს კონკურენციის სააგენტოს თავმჯდომარემ გიორგი ბარაბაძემ გახსნეს. პროექტში მონაწილეობას ქართველი, გერმანელი, ავსტრიელი, ჩეხი, სერბი, სომეხი, თურქი, უკრაინელი, აზერბაიჯანელი, რუსი, ყაზახი, პოლონელი და სტუდენტები ღებულობენ. მომავალ იურისტებს ლექციებს ცნობილი უცხოელი ექსპერტები წაუკითხავენ. საზაფხულო სკოლა მიზნად ისახავს მონაწილეთა მოტივაციის ამაღლებას, მათ დაინტერესებას ევროკავშირისა და სამხრეთ კავკასიის სამართლებრივი და პოლიტიკური საკითხებით.
