მიმდინარე წლის 13 მარტს შოთა რუსთაველის სახელმწიფო უნივერსიტეტში TEMPUS–ის ეროვნული ოფისის კოორდინატორმა, ლიკა ღლონტმა, ბათუმის აკრედიტირებული უმაღლესი საგანმანათლებლო დაწესებულებების აკადემიურ და ადმინისტრაციულ პერსონალს TEMPUS–ის პროექტები წარუდგინა.
რსუ აკადემიურმა საბჭომ განიხილა უნივერსიტეტის ადმინისტრაციის ხელმძღვანელის თანამდებობაზე დავით ლეკვეიშვილის კანდიდატურა და ფარული კენჭისყრით, სიითი შემადგენლობის უმრავლესობით (თორმეტი ხმა სამის წინააღმდეგ) გადაწყვიტა ის წარმომადგენლობით საბჭოს წარუდგინოს დასამტკიცებლად. წარმომადგენლობითი საბჭო აკადემიური საბჭოს მიერ კანდიდატურის წარდგენიდან 10 დღის ვადაში ფარული კენჭისყრით ამტკიცებს ადმინისტრაციის ხელმძღვანელს სიითი შემადგენლობის უმრავლესობით. ადმინისტრაციის ხელმძღვანელის უფლებამოსილების ვადაა ოთხი წელი.
ბათუმის შოთა რუსთაველის სახელმწიფო უნივერსიტეტსა და პოტსდამის უნივერსიტეტს (გერმანია) შორის ურთიერთშეთანხმების მემორანდუმი გაფორმდა. მხარეები შეთანხმების მიხედვით სამომავლოდ ხელს შეუწყობენ ურთიერთობის განმტკიცებას და თანამშრომლობის განხორციელებას განათლებისა და მეცნიერების სფეროში.
რსუ სოციალურ მეცნიერებათა, ბიზნესისა და სამართალმცოდნეობის ფაკულტეტთან არსებული ფოტო-ვიდეო სტუდიის მიერ მომზადებული დოკუმენტური ფილმის: ”სტუდენტების თვალით ნანახი რუსეთის აგრესიის შედეგები” პრემიერა გაიმართა. უახლოეს მომავალში ფილმს საქართველოს სხვა უმაღლეს სასწავლებლებში წარადგენენ.
