ბათუმის შოთა რუსთაველის სახელმწიფო უნივერსიტეტი აცხადებს მიღებას პროფესიული მომზადების პროგრამაზე: „ტყის ძირითადი მერქნიანი და არამერქნული რესურსებით სარგებლობა“. პროფესიული მომზადების პროგრამაზე სწავლის მსურველთა რეგისტრაცია დაიწყება 1 დეკემბერიდან და დასრულდება 7 დეკემბერს ელექტრონულად, შემდეგ მისამართზე: http://vet.emis.ge ან/და ბსუ-ს პროფესიული პროგრამების მართვისა და უწყვეტი განათლების ცენტრის დისტანციური მხარდაჭერით (ცხელი ხაზი: 577491939).
დამატებითი ინფორმაციისთვის მოგვმართეთ: ელფოსტა: vocational@bsu.edu.ge
ბათუმის შოთა რუსთაველის სახელმწიფო უნივერსიტეტი ღრმა მწუხარებას გამოთქვამს გაზეთ „ბათუმის უნივერსიტეტის“ რედაქტორის, პროფესორ იოსებ სანიკიძის გარდაცვალების გამო. პროფესორი იოსებ სანიკიძე წლების განმავლობაში აქტიურად იყო ჩართული საუნივერსიტეტო ცხოვრებაში. იგი 1993-2000 წლებში იყო ფილოლოგიის კათედრის დოცენტი, 2006-2013 წლებში - ასოცირებული პროფესორი და ჟურნალისტიკის საბაკალავრო და სამაგისტრო პროგრამების ხელმძღვანელი. პროფესორი იოსებ სანიკიძე გახლდათ რამდენიმე ათეული სამეცნიერო სტატიისა და წიგნების ავტორი.
