ბათუმის შოთა რუსთაველის სახელმწიფო უნივერსიტეტი 2020-2021 სასწავლო წელისათვის დამატებით აცხადებს მიღებას მაგისტრატურის საგანმანათლებლო პროგრამებზე. მაგისტრანტობის კანდიდატთა რეგისტრაცია იწარმოებს მაგისტრატურის მიმღებ კომისიაში, 2020 წლის 17-18 სექტემბერს, 10:00 საათიდან 17:00 საათამდე შემდეგ მისამართზე: ქ. ბათუმი, ნინოშვილის ქუჩა №35, 1-ლი კორპუსი, ოთახი №19.
ბათუმის შოთა რუსთაველის სახელმწიფო უნივერსიტეტის შემოდგომის სემესტრში აკადემიური უმაღლესი განათლების სამივე საფეხურის საგანმანათლებლო პროგრამების სტუდენტები 2020-2021 სასწავლო წელს სწავლის სემესტრულ საფასურს გადახდიან (ადმინისტრაციული რეგისტრაცია) სამ ეტაპად.
კორონავირუსთან დაკავშირებით მოქმედი უწყებათაშორისი საკოორდინაციო საბჭოსა და ბსუ-ს ადმინისტრაციის გადაწყვეტილებით, ბათუმის შოთა რუსთაველის სახელმწიფო უნივერსიტეტში სასწავლო პროცესი, სწავლების სამივე საფეხურზე, როგორც დისტანციურ, ასევე სააუდიტორიო ფორმატში განახლდება 1-ლი ოქტომბრიდან. უცვლელი რჩება სტუდენტთა ადმინისტრაციული და აკადემიური რეგისტრაციის ვადები.
დოქტორანტობის კანდიდატთა გამოცდა უცხო ენაში ჩატარდება ბსუ-ს პირველ კორპუსში (მისამართი: ნინოშვილის ქ. №35). გამოცდაზე დასასწრებად კანდიდატმა უნდა იქონიოს პირადობის დამადასტურებელი მოწმობა ან პასპორტი, საწერ-კალამი და სასმელი წყალი. COVID - 19-ით გამოწვეული შეზღუდვების გამო, სავალდებულოა მაგისტრანტობის კანდიდატები ბსუ-ში გამოცხადდნენ პირბადით.
