სილეზიის ტექნოლოგიური უნივერსიტეტი (პოლონეთი) „ერაზმუს+“-ის გაცვლითი პროგრამის ფარგლებში საქართველოს მასშტაბით იწვევს დაინტერესებულ პირებს საერთაშორისო კვირეულში მონაწილეობის მისაღებად. საერთაშორისო კვირეულის მიზანია არსებული თანამშრომლობის განახლება და ახალი პარტნიორების მოძიება. კვირეული გაიმართება 2022 წლის 4-8 ივლისს.
გამოცხადდა კონკურსი 2021-2022 სასწავლო წლის გაზაფხულის სემესტრისათვის საფაკულტეტო სახელობითი სტიპენდიების მოსაპოვებლად №1 დანართის შესაბამისად, ბსუ-ს საბაკალავრო, მედიცინის მიმართულებით ერთსაფეხურიანი, დაწყებითი განათლების მასწავლებლის მომზადების ინტეგრირებულ საბაკალავრო - სამაგისტრო და ასევე სამაგისტრო საგანმანათლებლო პროგრამების სტუდენტებისათვის. კონკურსში მონაწილეობის მიზნით სტუდენტებმა საბუთები უნდა წარმოადგინონ 2022 წლის 28 აპრილიდან 4 მაისის ჩათვლით, ბსუ-ს სტუდენტური პორტალის საშუალებით (მოდული „წერილი კანცელარიას“, რექტორის სახელზე). დეტალურ ინფორმაციას კონკურსის შესახებ გაეცანით თანდართულ ბრძანებაში.
გამოცხადდა კონკურსი ბსუ-ს შოთა რუსთაველისა და ხუსეინ ნაკაიძის სახელობის საუნივერსიტეტო სახელობითი სტიპენდიების მოსაპოვებლად. კონკურსში მონაწილეობა შეუძლიათ საბაკალავრო, მედიცინის მიმართულებით ერთსაფეხურიანი, დაწყებითი განათლების მასწავლებლის მომზადების ინტეგრირებული საბაკალავრო - სამაგისტრო და სამაგისტრო საგანმანათლებლო პროგრამების სტუდენტებს. კონკურსანტებმა საბუთები უნდა წარმოადგინონ 2022 წლის 28 აპრილიდან 4 მაისის ჩათვლით, ბსუ-ს სტუდენტური პორტალის საშუალებით (მოდული „წერილი კანცელარიას“, რექტორის სახელზე). დეტალურ ინფორმაციას კონკურსის შესახებ გაეცანით თანდართულ ბრძანებაში.
აშშ-ის საელჩოს საზოგადოებრივ საქმეთა განყოფილება აცხადებს კონკურსს ამერიკელი ავტორების წიგნის თარგმნის პროგრამაზე. პროგრამის მიზანია ქართველი სტუდენტებისათვის, მკვლევარებისა და დაინტერესებული საზოგადოებისთვის გაზარდოს უახლეს კვლევებზე, სახელმძღვანელოებსა და თანამედროვე პოპულარულ ლიტერატურაზე ფინანსური და ფიზიკური ხელმისაწვდომობა. პროგრამის მეორე სააპლიკაციო ვადა 13 მაისამდე გახანგრძლივდა.
გამოცხადდა „ერაზმუს+“-ის გაცვლითი პროგრამის კონკურსი PEERS პროექტის ფარგლებში, საქართველოს მასშტაბით, პორტუგალიის შემდეგ უნივერსიტეტებში: მინიო, ევორა და ავეირო. კონკურსში მონაწილეობის მიღება შეუძლიათ ბათუმის შოთა რუსთაველის სახელმწიფო უნივერსიტეტის სტუდენტებს, აკადემიურ და ადმინისტრაციულ პერსონალს.
