კონკურსები

2021-2021 წელს მიმდინარე „Erasmus+“-ის საგრანტო კონკურსებთან დაკავშირებით „Erasmus+“-ის საქართველოს ეროვნული ოფისი გთავაზობთ საინფორმაციო ღონისძიებებს. აღნიშნულ ღონისძიებებზე გაეცნობით ინფორმაციას მიმდინარე საგრანტო კონკურსების შესახებ. სესიები ტარდება როგორც „Erasmus+“-ის ცენტრალური ოფისის (ევროკავსირის) მიერ, ინგლისურ ენაზე, ასევე რიგი სესიებისა წარმოდგენილია საქართველოს ეროვნული ოფისის მიერ ქართულ ენაზე. ონლაინ სესიები ქართულ ენაზე განთვსდება საქართველოს ეროვნული ოფისის ფეიქსბუქ გვერდზე. დეტალური ინფორმაცია იხილეთ დანართში.

გამოცხადდა განმეორებითი კონკურსი ბათუმის შოთა რუსთაველის სახელმწიფო უნივერსიტეტის აკადემიური პერსონალისთვის 2021-2022 სასწავლო წლის გაზაფხულის სემესტრისთვის ბიალისტოკის და კროსნოს უნივერსიტეტებში (პოლონეთი). მობილობის ხანგრძლივობა შეადგენს 5 სამუშაო დღეს.

ცხადდება დამატებითი კონკურსი ბათუმის შოთა რუსთაველის სახელმწიფო უნივერსიტეტის აკადემიური პერსონალისთვის 2021-2022 სასწავლო წლის გაზაფხულის სემესტრისთვის ვალენსიის, ზაარლანდისა და დუსელდორფის უნივერსიტეტებში. მობილობის ხანგრძლივობა შეადგენს 5 სამუშაო დღეს.

მიუნსტერის უნივერსიტეტი (გერმანია) აცხადებს კონკურსს გერმანული ფილოლოგიის I, II, III სასწავლო წლის ბაკალავრიატისა და პირველი სასწავლო წლის მაგისტრატურის სტუდენტებისათვის „ერაზმუს+“-ის გაცვლით პროგრამაში მონაწილეობის მისაღებად. მობილობის პერიოდია 2022 წლის აპრილი-ივლისი. კონკურსში მონაწილეობის მსურველებმა საბუთები უნდა გადააგზავნონ მიუნსტერის უნივერსიტეტის შემდეგ ელმისამართზე: erasgerm@uni-muenster.de