DAAD-ის ორგანიზებით, 4 ნოემბერს, 10:30 საათზე, ბათუმის შოთა რუსთაველის სახელმწიფო უნივერსირტეტში, 108-ე აუდიტორიაში (ნინოშვილის ქ. 35. ხუთსართულიანი კორპუსის პირველი სართული) ჩატარდება სასტიპენდიო პროგრამებში მონაწილეობის მსურველთა ტესტირება გერმანულ ენაში. ტესტირებაში მონაწილეობის წინაპირობაა გერმანული ენის ცოდნა B1 დონიდან.
ბათუმის შოთა რუსთაველის სახელმწიფო უნივერსიტეტი 2021-2022 აკადემიური წლის „ერაზმუს+“-ის გაცვლითი პროგრამის მიმდინარე კონკურსებში (იხილეთ აქ https://bsu.edu.ge/sub-19/page/15759/index.html) მონაწილეობის მსურველთათვის (ვისაც არ მიუღია მონაწილეობა სექტემბერ-ოქტომბრის ტესტირებებში), აცხადებს განცხადებების მიღებას დამატებით ტესტირებაში (უცხოურ ენებში) მონაწილეობის მისაღებად, რომელიც ჩატარდება 31 ოქტომბერს.
რუსთაველის ეროვნული სამეცნიერო ფონდი აცხადებს 2021 წლის მაგისტრანტთა სასწავლო-კვლევითი პროექტების საგრანტო კონკურსს. მაგისტრანტთა სასწავლო-კვლევითი პროექტების დასაფინანსებლად გრანტების გაცემის მიზანია მაგისტრატურის აკრედიტებულ საგანმანათლებლო პროგრამაზე ჩარიცხული მაგისტრანტების სამაგისტრო ნაშრომის ფარგლებში სამეცნიერო კვლევების ხარისხის გაზრდის, აკადემიური დონის ამაღლებისა და კვლევითი უნარ-ჩვევების განვითარების ხელშეწყობა. პროგრამა ასევე ითვალისწინებს საქართველოს უმაღლესი საგანმანათლებლო დაწესებულების სამეცნიერო-კვლევითი პოტენციალის გაუმჯობესების, სწავლის პროცესში კვლევის ინტეგრაციისა და თემატური და/ან ინტერდისციპლინური მიმართულებით კვლევითი აქტივობის განვითარების ხელშეწყობას.
ცხადდება დამატებითი კონკურსი ბსუ-ს აკადემიური პერსონალისთვის 2021-2022 სასწავლო წლის გაზაფხულის სემესტრისთვის ავსტრიაში, ზალცბურგის უნივერსიტეტში, პოლიტიკური მეცნიერებების მიმართულებით, „მასწავლებელთა აკადემია 2022 „სავაჭრო პოლიტიკა პოპულიზმის ხანაში“ სემინარში მონაწილეობის მისაღებად. მობილობის ხანგრძლივობა - 5 სამუშაო დღე. რეგისტრაციის ბოლო ვადა: 2021 წლის 29 ოქტომბერი 18:00 საათი.
