2021-2022 სასწავლო წლის გაზაფხულის სემესტრისთვის ბათუმის შოთა რუსთაველის სახელმწიფო უნივერსიტეტი პროფესორ-მასწავლებლებს სთავაზობს „ერაზმუს+“-ის საგრანტო პროექტის ფარგლებში ევროკომისიის მიერ დაფინანსებულ გაცვლით პროგრამაში მონაწილეობას. გაცვლითი პროგრამა ითვალისწინებს ლინგტვისტიკის მიმართულების ინდივიდუალურ მობილობას ბიდგოშჩის უნივერსიტეტში (პოლონეთი).
ა(ა)იპ „ეგერია სოლუშენსი“, კონრად ადენაუერის ფონდის მხარდაჭერით, აცხადებს ესეების კონკურსს უმაღლესი სასწავლებლების ბაკალავრიატის საგანმანათლებლო პროგრამის სტუდენტებისთვის თემაზე - საქართველოს ევროპული ინტეგრაცია.
ონლაინ კონკურსი ტარდება პროექტის - „ახალგაზრდების ცნობიერების ამაღლება ევროინტეგრაციის შესახებ - გამოწვევები და პერსპექტივები“ ფარგლებში, რომლის მიზანია, ხელი შეუწყოს რეგიონებში მცხოვრები ახალგაზრდების ცნობიერების გაზრდას საქართველოს ევროპული ინტეგრაციის შესახებ. პროექტის ფარგლებში შემუშავდა სასწავლო კურსი საქართველოს ევროპული ინტეგრაციის შესახებ, რომელიც უკვე წარმატებით დაინერგა ოთხ უმაღლეს სასწავლებელში: ქუთაისის აკაკი წერეთლის სახელმწიფო უნივერსიტეტი, შოთა მესხიას ზუგდიდის სახელმწიფო სასწავლო უნივერსიტეტი, იაკობ გოგებაშვილის სახელობის თელავის სახელმწიფო უნივერსიტეტი და სოხუმის სახელმწიფო უნივერსიტეტი.
გამოცხადდა კონკურსი 2022-2023 აკადემიური წლის ავსტრიის სასტიპენდიო პროგრამებში მონაწილეობის მისაღებად. კონკურსში მონაწილეობა შეუძლიათ სტუდენტებსა და მკვლევრებს შემდეგი სტიპენდიების მოსაპოვებლად: ფრანც ვერფელის (Franz Werfel) სტიპენდია, რიჩარდ პლაშკას (Richard Plaschka) სტიპენდია და ერნსტ მახის (Ernst Mach) სტიპენდია. დეტალური ინფორმაციისთვის ეწვიეთ ვებგვერდს: https://grants.at/de/ ან https://oead.at/de/der-oead/unsere-programme-von-a-bis-z#c24722
