კონფერენციები

2018 წლის 5-6-7 ივნისს, სულხან-საბა ორბელიანის უნივერსიტეტში გაიმართება მეორე საერთაშორისო სამეცნიერო სიმპოზიუმი „კათოლიკური მემკვიდრეობა საქართველოში“. სიმპოზიუმის მიზანია კათოლიკური მემკვიდრეობის, ქართული კულტურისა და ცნობიერების ჩამოყალიბებაში რომის კათოლიკე ეკლესიის მნიშვნელობის გაანალიზება. კონფერენციაში მონაწილეთა რეგისტრაცია სრულდება 27 აპრილს.

2018 წლის 21 აპრილს, 10:00-13:00 საათზე, ბათუმის შოთა რუსთაველის სახელმწიფო უნივერსიტეტში გაიმართება მოსწავლეთა პირველი სამეცნიერო კონფერენცია თემაზე: „ახლო აღმოსავლეთი და საქართველო“. ერთდღიან კონფერენციაზე მოხსენებები წარმოდგენილი იქნება შემდეგი ექვსი მიმართულებით: ისტორია, კულტურა, ენა, ლიტერატურა, ეთნოგრაფია, არქეოლოგია.

15 ნოემბერს ქალაქ ზაპოროჟიეში (უკრაინა) კერძო კლასიკური უნივერისტეტის მენეჯმენტის ინსტიტუტი ტრადიციულად მართავს საერთაშორისო სამეცნიერო-პრაქტიკულ კონფერენციას თემაზე : „თანამედროვე ეკონომიკის პირობებში საჯარო ადმინისტრირებისა და მართვის ეფექტური მექანიზმების ორგანიზება: თეორია და პრაქტიკა“. კონფერენციაში მონაწილეობის მიღება შეუძლია დოქტორის ხარისხის მქონე პირებს, დოქტორანტებსა და მაგისტრანტებს. პუბლიკაციების გამოქვეყნება უფასოა.

2018 წლის 14-17 მარტს, ბულგარეთის მექანიკური ინჟინერიის სამეცნიერო ტექნიკური გაერთიანება კურორტ „ბოროვეტსში“ მსურველებს იწვევს XV საერთაშორისო კონგრესში „მანქანები, ტექნოლოგიები, მასალები 2018“ მონაწილეობის მისაღებად. დამატებითი ინფორმაციისთვის იხილეთ თანდართული ფაილები.

სკოლა-კონფერენცია ჩატარდება თემაზე: „სამხრეთ კავკასიის შავი ზღვის რეგიონის კლიმატის მოდელირება“. სწავლება ხელს შეუწყობს საქართველოს /კავკასიის/შავი ზღვის რეგიონის მეცნიერებსა და სტუდენტებს, შეისწავლონ თანამედროვე კლიმატის მოდელირების პროგრამა. თანამედროვე პირობებში არსებობს შესაძლებლობა, მოხდეს რიცხვითი სიმულაციური და რეგიონალური კლიმატის მოდელების შექმნა, რაც საფუძველს მოგვცემს, წინასწარ განვსაზღვროთ კლიმატის ცვლილებით გამოწვეული ზემოქმედება გარემოზე და მოვახდინოთ შეფასება დროულად. შესაბამისად მოხდება საბუნებისმეტყველო მეცნიერებათა ფაკულტეტის ახალგაზრდა მეცნიერების კვალიფიკაციის ამაღლება. სწავლებაში ჩართულია 12 უცხოელი და 10 ქართველი მონაწილე.