10 მარტიდან 6 აპრილის ჩათვლით საქართველოს ფრანგული ინსტიტუტი, საფრანგეთის საელჩო, შვეიცარიის საელჩო, თბილისის მერია, ასევე, საქართველოში წარმოდგენილი ფრანგულენოვანი პარტნიორები: ფრანკოფონიის საუნივერსიტეტო სააგენტო, საქართველოს ფრანგული ენის მასწავლებელთა ასოციაცია, ფრანგულენოვანი უნივერსიტეტები და სკოლები, გიწვევთ ფრანკოფონიის თვის ფარგლებში დაგეგმილ მრავალფეროვან ღონისძიებებზე.
17 მარტს, ბათუმის საერთაშორისო აეროპორტში თბილისისა და ბათუმის საერთაშორისო აეროპორტების მმართველი კომპანია „ტავ ჯორჯია“ აეროპორტში მუშაობით დაინტერესებულ პირებს დასაქმების ფორუმზე იწვევს. ღია კარის დღე - „დასაქმდი აეროპორტში" 10:00 საათიდან 17:00 საათამდე, ბათუმის საერთაშორისო აეროპორტის გამგზავრების დარბაზში გაიმართება. დაინტერესებული პირები ამომწურავ ინფორმაციას მიიღებენ ბათუმის საერთაშორისო აეროპორტში არსებული ვაკანსიების შესახებ და დეტალურად გაეცნობიან თავიანთ ფუნქცია-მოვალეობებს ამა თუ იმ პოზიციაზე დასაქმების შემთხვევაში.
10 მარტს, 12:30 საათზე, ბათუმის შოთა რუსთველის სახელმწიფო უნივერსიტეტში (55-ე აუდიტორია) სტუდენტებისთვის გაიმართება წითელი ჯვრის საინფორმაციო შეხვედრა. შეხვედრის მიზანია, სტუდენტებისთვის ორგანიზაციის გამოცდილების გაზიარება და მიმდინარე პროექტების, ვორქშოფების, კლუბების სიმულაციების და აქტივობების გაცნობა.
24 თებერვალს, 14:00 საათზე, ბათუმის შოთა რუსთაველის სახელმწიფო უნივერსიტეტში, N32 აუდიტორიაში გაიმართება საჯარო ლექცია და დისკუსია თემებზე: „საქართველოს ოკუპაცია - 1921 წლის 25 თებერვალი“ და „უკრაინაში რუსეთის აგრესია - 2022 წლის 24 თებერვალი“. ლექციას წაიკითხავენ ბსუ-ს ჰუმანიტარულ მეცნიერებათა ფაკულტეტის პროფესორები ჯემალ კარალიძე და ოთარ გოგოლიშვილი.
