13 მაისს, სტუდენტებთან გაიმართება საინფორმაციო შეხვედრები 2022 წელს ბსუ-ში განსახორციელებელი სტუდენტური საგანმანათლებლო, კულტურულ- შემოქმედებითი და სპორტული სახის პროექტების შესარჩევი კონკურსის შესახებ.
საინფორმაციო შეხვედრების განრიგი:
6 მაისს, 14:00 საათზე, ბათუმის შოთა რუსთაველის სახელმწიფო უნივერსიტეტში, 55-ე აუდიტორიაში აკადემიური და სამეცნიერო პერსონალისათვის გაიმართება საინფორმაციო შეხვედრა: „საინფორმაციო ტექნოლოგიები მეცნიერებაში“. ასოციაცია მეცნიერებისათვის პრეზიდენტი თამარ ხახუტაშვილი ღონისძიების მონაწილეებს გააცნობს ციტირების ინდექსისა და საერთაშორისო სამეცნიერო სივრცეში მკვლევრის ცნობადობის გაუმჯობესების მეთოდები და საშუალებებს. თამარ ხახუტაშვილი ასევე ისაუბრებს მკვლევრის სამეცნიერო პროფილის (ავტორის იდენტიფიკატორი) სახეებსა და შექმნაზე, სამეცნიერო ნაშრომის საქართველოს ან საზღვარგარეთის მაღალ იმფაქტ ფაქტორის მქონე ჟურნალებში უფასოდ ან დაბალ ფასად გამოქვეყნების ხერხებზე.
10 მაისს, 14:00 საათზე, ბათუმის შოთა რუსთაველის სახელმწიფო უნივერსიტეტში, 55-ე აუდიტორიაში გაიმართება საინფორმაციო შეხვედრა „საქართველოს მკვლევართა მობილობის პროგრამის“ შესახებ. „საქართველოს მკვლევართა მხარდაჭერის პროგრამა“ დაფინანსებულია ევროკავშირის მიერ და პროგრამას ახორციელებს გერმანიის აკადემიური გაცვლის სამსახური (DAAD). პროგრამა მიზნად ისახავს საქართველოს მეცნიერების, ტექნოლოგიებისა და ინოვაციების სექტორის ინტერნაციონალიზაციის ხელშეწყობას საერთაშორისო კავშირების დამყარების პროცესში საქართველოს მკვლევართა მხარდაჭერის გზით.
კვლევითი ორგანიზაცია „სოციალური კვლევისა და ანალიზის ინსტიტუტი“ საქართველოს განათლებისა და მეცნიერების სამინისტროს დაკვეთით ახორციელებს საერთაშორისო კვლევას - “ევროსტუდენტი - VIII”. კვლევა ითვალისწინებს ევროპის უნივერსიტეტების სტუდენტების სოციალურ-ეკონომიკური მდგომარეობის, ცხოვრების პირობებისა და სწავლის თავისებურებების შესწავლას. პროექტი ეხმარება ქვეყნებს, გამოიყენონ საერთაშორისო კვლევის მონაცემები უმაღლესი განათლების სოციალური განზომილების გასაანალიზებლად და სტუდენტთა სოციალური პირობების გასაუმჯობესებლად. კვლევის კითხვარი ბაკალავრიატისა და მაგისტრატურის სტუდენტებს 2022 წლის აპრილი-ივლისის პერიოდში დაეგზავნებათ სასწავლო პორტალის ან ელექტრონული ფოსტის საშუალებით.
20-22 მაისს, ბორჯომში, გერმანული ენის მცოდნე სტუდენტებისათვის (მინიმუმ B1 დონე) გერმანიის აკადემიური გაცვლის სამსახურისა (DAAD) და გოეთეს ინსტიტუტის (GI) ორგანიზებით გაიმართება სამუშაო შეხვედრა „Zukunft denken, Zukunft gestalten”. შეხვედრის მიზანია მომავლის განვითარებისათვის საჭირო ინოვაციური და კრეატიული იდეების კონკრეტიზება და დისკუსია. დოკუმენტების მიღების ბოლო ვადაა 2022 წლის 1-ლი მაისი.
