14 აპრილს, 17:00 საათზე, ბათუმის შოთა რუსთაველის სახელმწიფო უნივერსიტეტის I კორპუსში, III სართულზე №55 აუდიტორიაში ჩატარდება საჯარო ლექცია და დისკუსია თემაზე: „ევროკავშირის ძირითადი ღირებულებები და გაწევრიანების პროცედურა“. შეხვედრა ორგანიზებულია ბსუ-ს ჟან მონეს კათედრის მიერ ინგლისური ენის სასწავლო ცენტრ Eti Holding-თან თანამშრომლობით საჯარო სკოლის მოსწავლეებისთვის.
14 აპრილს, 13:00 საათზე, უნივერსიტეტის II კორპუსში (აუდიტორია №430), ბსუ-ს ეკონომიკისა და ბიზნესის ფაკულტეტის 25 წლის იუბილისადმი მიძღვნილი ღონისძიებათა ციკლის ფარგლებში, შპს „პრესტიჟ აუდიტის” მმართველი პარტნიორი, საქართველოს პროფესიონალ ბუღალტერთა და აუდიტორთა ფედერაციის აჭარის ფილიალის დირექტორი, ეკონომიკურ მეცნიერებათა დოქტორი მაია ფეიქრიშვილი საჯარო ლექციას ჩაატარებს თემაზე: „აუდიტის მეთოდოლოგია და პროფესიული პასუხისმგებლობა“.
14 აპრილს, 12:00 საათზე, 32-ე აუდიტორიაში, ქართული ენის დღესთან დაკავშირებით, ბათუმის შოთა რუსთაველის სახელმწიფო უნივერსიტეტში გაიმართება სახელმწიფო ენის დეპარტამენტის მიერ შემუშავებული დოკუმენტების - „2021 – 2030 წლების სახელმწიფო ენის ერთიანი პროგრამა (სტრატეგია)“ და „2021-2022 წლების სამოქმედო გეგმის“ განხილვა.
შაბათს, 9 აპრილს, 17:00 საათზე, ბსუ-ს სტუდენტთა კარიერული განვითარების, კულტურისა და სპორტის დეპარტამენტის კინოკლუბი წარმოადგენს სერგეი ლოზნიცას ფილმს - „დონბასი“ (2018).
ჩვენება გაიმართება I კორპუსში, III სართულზე, № 55 აუდიტორიაში. (შემოსასვლელი ბულვარიდან)
კინოკლუბის წამყვანი - ბსუ-ს ასოცირებულოი პროფესორი, გიორგი მასალკინი;
8 აპრილს, პარასკევს, 18:30 საათზე, უნივერსიტეტის I კორპუსში, III სართულზე №55 აუდიტორიაში ჩატარდება ბსუ-ს „ინტელექტუალური ვიქტორინის“ გაზაფხულის სეზონის მეორე ტური.
„ბსუ - ინტელექტუალური ვიქტორინა“-ს“ უძღვება ბსუ-ს ასოცირებული პროფესორი, გიორგი მასალკინი. ტელ:577 74 74 91
ორგანიზატორი - სტუდენტთა კარიერული განვითარების, კულტურისა და სპორტის დეპარტამენტი.
