ანონსები

2022 წლის 12 აპრილს, 16:00 საათზე, ონლაინ ფორმატში, ბათუმის შოთა რუსთაველის სახელმწიფო უნივერსიტეტის სტუდენტებისთვის გაიმართება „ერაზმუს+“-ის გაცვლითი პროგრამის პრეზენტაცია. ბსუ-ს სტრატეგიული განვითარებისა და საგარეო ურთიერთობათა დეპარტამენტის უფროსის მოადგილე, „ერაზმუს+“-ის გაცვლითი პროგრამების კოორდინატორი ნანა ყურშუბაძე ZOOM-ის პლატფორმის გამოყენებით სტუდენტებს საერთაშორისო გაცვლით პროგრამაში მონაწილეობის პირობებს გააცნობს.

6 აპრილს, 19:00 საათზე, ZOOM-ის პლატფორმის საშუალებით, ბსუ-ს ეკონომიკისა და ბიზნესის ფაკულტეტის 25 წლის იუბილესადმი მიძღვნილ ღონისძიებათა ციკლის ფარგლებში გაიმართება ივანე ჯავახიშვილის სახელობის თბილისის სახელმწიფო უნივერსიტეტის პროფესორის, ბსუ-ს საპატიო დოქტორის, აკადემიკოს ვლადიმერ პაპავას საჯარო ლექცია თემაზე „სანქციონომიკა: მსოფლიო ეკონომიკის არქიტექტურის ცვლილება და საქართველოს გამოწვევები“.

ბათუმის შოთა რუსთაველის სახელმწიფო უნივერსიტეტის შემოქმედებითი ჯგუფები აცხადებს სტუდენტთა შესარჩევ კონკურსს. შესაბამისი ნიჭისა და ინტერესის მქონე სტუდენტებს საშუალება გაქვთ, ჩაერთოთ სასურველი კულტურული წრის მუშაობაში.

16 მარტს, 11:00 საათზე, ბათუმის შოთა რუსთაველის სახელმწიფო უნივერსიტეტში „ფრანკოფონია 2024“ გაიხსნება კონკურსით „Bonjour la France“. ბსუ ყოველწლიურად აღნიშნავს ფრანკოფონიის დღეებს (16 - 29 მარტი) სხვადასხვა ღონისძიებით. პროექტის მიზანია, მულტილინგვიზმის ეპოქაში პოპულარიზაცია გაუწიოს ერთ-ერთ მნიშვნელოვან ევროპულ ენას - ფრანგულ ენას, საფრანგეთის კულტურასა და ცივილიზაციას. ფრანკოფონიის კვირეული ბათუმის შოთა რუსთაველის სახელმწიფო უნივერსიტეტის ორგანიზებით ხორციელდება, მასში ჩართულია აჭარის კერძო და საჯარო სკოლები, აჭარის ფრანგული ენის პედაგოგთა ასოციაცია და საქართველოს ფრანგული ინსტიტუტი.

ბათუმის შოთა რუსთაველის სახელმწიფო უნივერსიტეტის ტექნოლოგიური ფაკულტეტი მონაწილეობას მიიღებს მე-11 საერთაშორისო სამშენებლო მასალების, ტექნოლოგიებისა და უძრავი ქონების გამოფენაში „Batumi Build 2022”. გამოფენაზე წარმოდგენილი იქნება ბსუ-ს ფაბლაბში დამზადებული სხვადასხვა არქიტექტურული კონსტრუქციები და მაკეტები. ღონისძიება კომპანია „GEONET EXPO–ის“ ორგანიზებით 2022 წლის 14-16 მარტს, ქალაქ ბათუმში გაიმართება.