18 იანვარს, 15:00 საათზე, ბათუმის შოთა რუსთაველის სახელმწიფო უნივერსიტეტის ბიბლიოთეკაში გაიმართება ბსუ-ს ეკონომიკისა და ბიზნესის ფაკულტეტის დოქტორანტების, ნესტან ვარშანიძისა და და გიორგი აბაშიძის წიგნების „ლურჯი ეკონომიკა“ და „ციფრული ეკონომიკა“ პრეზენტაცია. ნაშრომები მომზადებულია შოთა რუსთაველის ეროვნული სამეცნიერო ფონდის გრანტის ფარგლებში.
11 იანვარს, 12:00 საათზე, ბათუმის შოთა რუსთაველის სახელმწიფო უნივერსიტეტში (55-ე აუდიტორია) გაიმართება ჰილტონ ბათუმის ESG აკადემიის საინფორმაციო შეხვედრა. ESG (Environmental, Social, Governance) გლობალური გარემოსდაცვითი, სოციალური და მმართველობითი სტრატეგიაა, რომელიც მიზნად ისახავს საზოგადოებაში ცნობიერების ამაღლებას ჯანსაღი გარემოს შექმნის მიზნით.
„Erasmus+”-ის ეროვნული ოფისი საქართველოში და ევროკავშირის „Erasmus+ პროგრამაში საქართველოს მონაწილეობის მიზანშეწონილობის კვლევა“ მოხარულები არიან ბათუმის საგანმანათლებლო დაწესებულებებს შესთავაზონ დასწრებულ რეჟიმში ვორქშოფები „Erasmus+“ პროგრამისა და მისი დაფინანსების შესაძლებლობების გასაცნობად.
15 დეკემბერს, ბათუმის შოთა რუსთაველის სახელმწიფო უნივერსიტეტში დაგეგმილია საქართველოში აშშ-ის საელჩოს გაცვლითი პროგრამების კოორდინატორის, თეა კუჭუხიძისა და სახალხო დიპლომატიის გრანტების მენეჯერის, ანა ხარიბეგაშვილის შეხვედრა სტუდენტებთან და აკადემიურ პირებთან. საქართველოში აშშ-ის საელჩოს წარმომადგენლები დაინტერესებულ პირებს გააცნობენ საელჩოს საგანმანათლებლო და კულტურის საგრანტო პროგრამებს, ასევე კონსულტაციას გაუწევენ გრანტების პროგრამულ და ტექნიკურ საკითხებზე.
13-14-15 დეკემბერს, ბათუმის შოთა რუსთაველის სახელმწიფო უნივერსიტეტში (II კორპუსი, I სართული, აუდიტორია №129) ფრანკოფონული საუნივერსიტეტო სააგენტოს (AUF) მხარდაჭერით, ტუნისის ბიზნესის უმაღლესი სკოლის პროფესორი, დოქტორი იმენ ხანჩელი ტრენინგს ჩაატარებს თემაზე: „კომუნიკაცია“. კურსი განკუთვნილია სხვადასხვა საფეხურისა და ფაკულტეტის სტუდენტებისათვის. ტრენინგი ჩატრდება ფრანგულ ენაზე და მოიცავს შემდეგ თემატიკას: კომუნიკაციის პროცესი, არავერბალური კომუნიკაცია, არაძალადობრივი კომუნიკაცია, საჯარო გამოსვლა, როგორ გავიაროთ წარმატებული გასაუბრება (ინტერვიუ) დამსაქმებელთან და როლური თამაშები.
