ანონსები

2016 წლის 18, 19, 20 ოქტომბერს ბათუმის შოთა რუსთაველის სახელმწიფო უნივერსიტეტში გაიმართება ვალენსიის (ესპანეთი) პოლიტექნიკური უნივერსიტეტის სამოქალაქო ინჟინერიის დეპარტამენტის პროფესორის ხულიან ალკალა გონსალესის საჯარო ლექციათა ციკლი თემაზე: „თანამედროვე მიდგომები საიჟინრო გაანგარიშებებში, საუკეთესო გადაწყვეტლების მიღების მიზნით, ოპტიმიზაციის მეტაევრისტიკული მეთოდებისა და სასრულ ელემენტთა მეთოდების გამოყენებით“.

22 ივნისს, 18:00საათზე, 44-ე აუდიტორიაში ბსუ-ს ლიტერატურულ კლუბში გამომცემლობა „ინტელექტი" გამართავს ამერიკელი მწერლის, დენიელ ქუინის რომანის „ისმაელის" ქართული თარგმანის პრეზენტაციას. წიგნის შესახებ ისაუბრებს მთარგმნელი, ფილოსოფოსი ლევან ღამბაშიძე.

8 ივნისს, 15:30 საათზე, 55-ე აუდიტორიაში, შვედეთის მთავრობის მრჩეველი გარემოს დაცვის საკითხებში, შვედეთის სამეფო ტექნოლოგიური ინსტიტუტის პროფესორი, სამრეწველო დინამიკის დარგში სტაფან ლაესტადიუსი გამართავს საჯარო ლექციას თემაზე: „შეჭიდება კლიმატის ცვლილებებთან -XXI საუკუნის გადაწყვეტილებანი“.

Broader Perspective Project გიწვევთ მიიღოთ მონაწილეობა 5-დღიან სამუშაო შეხვედრაზე, რომელიც გაიმართება 2016 წლის 5-10 ივნისს, ბსუ-ში თემაზე: „მედია და ნაციონალიზმი“.

სამუშაო ენა : ინგლისური

პროექტი აერთიანებს 8 სხვადასხვა ქვეყნის სტუდენტ-ტრენერს.

დაინტერესების შემთხვევაში გაგვიზიარეთ თქვენი მოსაზრებები და შეხედულებები ისეთ თემებზე, როგორებიცაა: ომისა და მშვიდობის დროს მედიასა და ნაციონალიზმს შორის ურთიერთობის შედარება, პროპაგანდის როლი, ბალკანეთის ომი იუგოსლავიის დაშლის შემდეგ. გამოაგზავნეთ თქვენი CV შემდეგ მისამართზე: summerschool@bsu.edu.ge

მონაწილეობის მოთხოვნები:

ბსუ-ს სტუდენტის სტატუსი და ინგლისური ენის ცოდნა B1/B2 დონეზე.

CV-ის გამოგზავნის ბოლო ვადა: 02/06/2016

ღონისძიების აღწერილობა იხილეთ დანართში