ანონსები

1 დეკემბერს, 12:00 საათზე, შოთა რუსთაველის დარბაზში ბათუმის შოთა რუსთაველის სახელმწიფო უნივერსიტეტის, დაავადებათა კონტროლის, საზოგადოებრივი ჯანმრთელობის ეროვნული ცენტრისა და აჭარის საზოგადოებრივი ჯანდაცვის ცენტრის ორგანიზებით შიდსთან ბრძოლის საერთაშორისო დღისადმი მიძღვნილი ღონისძიებები გაიხსნება

2015 წლის 14 ნოემბერს, 10:00 საათიდან 12:00 საათამდე მსოფლიოს დიაბეტის დღესთან დაკავშირებით, ბათუმის შოთა რუსთაველის სახელმწიფო უნივერსიტეტის სასწავლო ცენტრის ბაზაზე საბუნებისმეტყველო მეცნიერებათა და ჯანდაცვის ფაკულტეტის კლინიკური თერაპიის დეპარტამენტის ინიციატივით ჩატარდება აქცია „ცხოვრება დიაბეტის გარეშე“. უნივერსიტეტის თანამშრომლებს გაუკეთდება გლუკოზის განსაზღვრა სისხლში, მიეცემა შესაბამისი დიეტური და საჭიროებისას სამკურნალო რეკომენდაციები ენდოკრინოლოგის მიერ.

მეცნიერებისა და ინოვაციების საერთაშორისო კვირეულის ეგიდით ბათუმის შოთა რუსთაველის სახელმწიფო უნივერსიტეტის საკონფერენციო დარბაზში (55-ე აუდიტორია) ჩატარდება საჯარო ლექციები.

29-31 ოქტომბერს, 14:00 საათზე, ბათუმის შოთა რუსთაველის სახელმწიფო უნივერსიტეტში (55-ე აუდიტორია) გაიმართება ფსიქოლოგიის მეცნიერებათა დოქტორის, ივანე ჯავახიშვილის სახელობის თბილისის სახელმწიფო უნივერსიტეტის პროფესორ თამარ გაგოშიძის საჯარო ლექცია თემაზე: „ნეიროფსიქოლოგია, როგორც ინტერდისციპლინური მეცნიერება და მისი როლი ადამიანის ქცევის გაგებაში“.

29 ოქტომბერს, 12:00 საათზე, ბათუმის შოთა რუსთველის სახელმწიფო უნივერსიტეტში (55-ე აუდიტორია) ჩატარდება სტუდენტთა ინოვაციური პროექტების საგრანტო კონკურსის წარდგინება.