ქართველი მათემატიკოსისა და საზოგადო მოღვაწის, აკადემიკოს გიორგი ჭოღოშვილის 100 წლისადმი მიძღვნილი საიუბილეო სხდომა გაიმართა ბათუმის შოთა რუსთაველის სახელმწიფო უნივერსიტეტში. პროფესორ-მასწავლებლებმა და საზოგადოების წარმომადგენლებმა კიდევ ერთხელ გაიხსენეს ღვაწლმოსილი მეცნიერის ცხოვრება და მოღვაწეობა. აკადემიკოსმა გიორგი ჭოღოშვილმა მნიშნელოვანი წვლილი შეიტანა ქართული მათემატიკური სკოლის, მათემატიკის თანამედროვე დარგების - ტოპოლოგიისა და ჰომოლოგიური ალგებრის განვითარებაში. მკვლევარმა საფუძველი ჩაუყარა მსოფლიოში აღიარებულ ქართულ აბსტრაქტულ მათემატიკურ სკოლას.

შოთა რუსთაველის ეროვნული სამეცნიერო ფონდის საზაფხულო სკოლის „კვლევის მეთოდები მასალათმცოდნეობაში“ კონკურსის წესით შერჩეული საუკეთესო მონაწილეები სტაჟირების პროგრამის ეგიდით შვეიცარიაში გაემგზავრნენ. ფიზიკა-მათემატიკისა და კომპიუტერულ მეცნიერებათა ფაკულტეტის ფიზიკის სპეციალობის III კურსის სტუდენტი ანა სლიუსარევა ათდღიანი პროექტის ფარგლებში ქალაქ ბურგის PaulScherrer-ის ინსტიტუტის ექსპერიმენტული ფიზიკის ლაბორატორიის მუშაობასა და დარგის მიღწევებს გაეცნო. მომავალმა ფიზიკოსმა მონაწილეობა მიიღო ექსპერიმენტის ჩატარებაში, რომელიც მიზნად ისახავდა მაგნიტური ველის შეღწევადობის სიღრმის ტემპერატურაზე დამოკიდებულების განსაზღვრას.

ბსუ-ს მათემატიკის დეპარტამენტის პროფესორ-მასწავლებლები ტემპუსის პროექტის MathGeAr (543868-TEMPUS-1-2013-1-DE-TEMPUS-JPCR) ფარგლებში მათემატიკის კურიკულუმების მოდერნიზაციის საკითხებზე მუშაობენ. მკვლევარებმა მონაწილეობა მიიღეს პროექტის - „სამხრეთ კავკასიის უნივერსიტეტების საინჟინრო და საბუნებისმეტყველო სპეციალობების საგანმანათლებლო პროგრამების მათემატიკის კურსების მოდერნიზაცია თანამედროვე საგანმანათლებლო ტექნოლოგიების შესაბამისად“ ეგიდით გამართულ თბილისის, ერევნის, ლიონის, საარბრიუკენის და ტამპერეს კონფერენციებში. უნივერსიტეტის პროფესორებმა უცხოელ კოლეგებთან ერთად, განიხილეს თანამედროვე საგანმანათლებლო ტექნოლოგიების შესაბამისად საინჟინრო და საბუნებისმეტყველო სპეციალობების საგანმანათლებლო პროგრამების მათემატიკის კურსების მოდერნიზაციასთან დაკავშირებული საკითხები. (იხ. www.mathgear.eu)

III საერთაშორისო-სამეცნიერო კონფერენცია „კომპიუტინგი/ინფორმატიკა, განათლების მეცნიერებები, მასწავლებლის განათლება“ ტარდება ბათუმის შოთა რუსთაველის სახელმწიფო უნივერსიტეტში. სხვადასხვა ქვეყნის მეცნიერები სამი დღის განმავლობაში კომპიუტინგის, ინფორმატიკის, განათლების მეცნიერებებისა და მასწავლებლის განათლების აქტუალურ საკითხებსა და სამომავლო პერსპექტივებზე იმსჯელებენ. მკვლევარები ბოლო პერიოდში წარმოებული კვლევის შედეგებს წარმოადგნენ შემდეგი სექციების მიმართულებით: საინფორმაციო სისტემების პროგრამული ინჟინერია, ბიზნეს პროცესების ინტეგრაცია და ავტორიზაცია, საინფორმაციო სისტემები ტექნოლოგიები, ეკონომიკური ინფორმატიკა, ინფორმატიკის დიდაქტიკა, განათლების მეცნიერებები, მასწავლებლის განათლება და შავი ზღვის ბიომრავალფეროვნების შენარჩუნებისა და კონვენსაციის საგანმანათლებლო მნიშვნელობა.

სააქტო დარბაზში საქართველოს მათემატიკოსთა კავშირის V საერთაშორისო კონფერენცია და გაიმართა. ხუთი დღის განმავლობაში ქართველი, ამერიკელი, რუსი, ირლანდიელი, თურქი, ირანელი მკვლევარები თანამედროვე მათემატიკის აქტუალურ საკითხებზე მუშაობდნენ. ასზე მეტი მოხსენება იყო წარმოდგენილი შემდეგ სექციებში: ალბათობის თეორია და სტატისტიკა, ფინანსური მათემატიკა, ალგებრა, ტოპოლოგია, გეომეტრია და რიცხვთა თეორია, ბუნებრივი ენების ლოგიკა და გამოთვლითი ლინგვისტიკა, გამოყენებითი ლოგიკა და დაპროგრამება, დიფერენციალური განტოლებები და მათი გამოყენებები, თეორიული ფიზიკა. მათემატიკური განათლება და ისტორია, მათემატიკური მოდელირება და რიცხვითი ანალიზი, ნამდვილი და კომპლექსური ანალიზი. კონფერენცია ბათუმის შოთა რუსთაველის სახელმწიფო უნივერსიტეტის, საქართველოს მათემატიკოსთა კავშირისა და საქართველოს მეცნიერებათა ეროვნული აკადემიის ორგანიზებით ჩატარდა.