ბსუ-ს ტექნოლოგიურ ფაკულტეტს გოტხოლდ ბალენსიფენის ხელმძღვანელობით გერმანიის ბიბერახის გამოყენებითი მეცნიერებების უნივერსიტეტის წარმომადგენლები ეწვივნენ. ტექნოლოგიური ფაკულტეტის დეკანმა, პროფესორმა გიზო ფარცხალაძემ, ფაკულტეტის ხარისხის უზრუნველყოფის სამსახურის უფროსმა, ასოცირებულმა პროფესორმა გოჩა ჩავლეშვილმა და სტრატეგიული განვითარებისა და საგარეო ურთიერთობათა დეპარტამენტის სპეციალისტმა ბესიკ ნარაკიძემ სტუმრებს წარუდგინეს    ინოვაციურ მიმართულებები და სამეცნიერო მიღწევები. 13-წევრიანი დელეგაციის წარმომადგნლები ასევე გაეცნენ ბსუ-ს ინოვაციების ცენტრსა და ფაბლაბ ლაბორატორიას.

ვიზიტის ფარგლებში დაიგეგმა გერმანიის ბიბერახის გამოყენებითი მეცნიერებების უნივერსიტეტთან თანამშრომლობის  მემორანდუმის გაფორმება. სტუმრებს გადაეცათ ბსუ-ს სასაჩუქრე პაკეტები.