„მაჭახლის ხეობის ისტორიისა და კულტურის ძეგლები“ წარდგენა გაიმართა
„მაჭახლის ეთნოსოფლის“ ადმინისტრაციულ შენობაში ბსუ-ს ნიკო ბერძენიშვილის ინსტიტუტის მკვლევართა (როინ მალაყმაძე, ნოდარ კახიძე, სულხან მამულაძე) მიერ მომზადებული ნაშრომის − „მაჭახლის ხეობის ისტორიისა და კულტურის ძეგლები“ წარდგენა გაიმართა. ნაშრომში შესწავლილია ორად გაყოფილი მაჭახლის ხეობის მატერიალური კულტურული მემკვიდრეობა და წარმოდგენილია ხეობის ისტორია უძველესი დროიდან დღემდე. განხილულია ხეობაში არსებული ნასოფლარები და ნასახლარები, საფორტიფიკაციო ნაგებობანი და სავაჭრო–საქარავნო გზები, ქვის თაღოვანი ხიდები, მარან–საწნახლები, სამეურნეო დანიშნულების მატერიალური კულტურის ძეგლები და სხვ.
