ტექნოლოგიური ფაკულტეტის პროფესორმა რეზო ჯაბნიძემ სამეცნიერო სემინარი ჩაატარა თემაზ: „იაპონიიდან ინტროდუცირებული მანდარინის ადრემწიფადი ჯიშების აგროეკოლოგიური თავისებურებანი“. მკვლევარმა განიხილა მეციტრუსეობის დარგის მიღწევები და არსებული სიახლეები. მეციტრუსეობა საქართველოს სუბტროპიკული სოფლის მეურნეობის ერთ-ერთი ძირითადი და წამყვანი დარგია, რომელსაც ახლო წარსულში საქართველოში მთელი სასოფლო-სამეურნეო სავარგულების 0,62 პროცენტი და დამუშავებული მიწების 1,75 პროცენტი ეკავა.
ბათუმის შოთა რუსთაველის სახელმწიფო უნივერსიტეტის აგრარული და მემბრანული ტექნოლოგიების ინსტიტუტმა მონაწილეობა მიიღო ქობულეთში გამართულ „ციტრუსის ფესტივალი 2017“-ში. მკლევრებმა ფესტივალზე მემბრანული აპარატები, ციტრუსისა და სხვადასხვა ხილისაგან დამზადებული 45 დასახელების პროდუქცია წარადგინეს. აჭარის სოფლის მეურნეობის სამინისტროს აგროსერვის ცენტრის ორგანიზებით გამართულ ფესტივალში რეგიონში მოქმედი 40-მდე კომპანია და ფერმერი მონაწილეობდა. ღონისძიებაზე წარმოდგენილი იყო ციტრუსისგან აწყობილი სხვადასხვა სკულპტურა, გასართობი და სპორტული თამაშები.
მემბრანული ტექნოლოგიის განყოფილების მთავარმა მეცნიერ-თანამშრომელმა ნინო მხეიძემ სემინარი ჩაატარა თემაზე: “მემბრანული ტექნოლოგიის განვითარების პერსპექტივები”. მკვლევარმა ისაუბრა მემბრანული ტექნოლოგიების განვითარების ისტორიასა და სხვადასხვა დარგში მისი გამოყენების შესაძლებლობაზე. მემბრანული ტექნოლოგიების (მიკროფილტრაცია, ელექტროდიალიზი, ულტრაფილტრაცია, უკუოსმოსი) საშუალებით შესაძლებელია მოვახდინოთ თხევადი და აირადი ნარევების დაყოფა, კონცენტრირება, დაწმენდა მოლეკულურ დონეზე, ღირებული კომპონენტების გამოყოფა და ნარჩენების მეორადი უტილიზაცია.
ბათუმის შოთა რუსთაველის სახელმწიფო უნივერსიტეტის აგრარული და მემბრანული ტექნოლოგიების ინსტიტუტი, სასოფლო–სამეურნეო ნედლეულის წარმოებისა და გადამუშავების ტექნოლოგიების განყოფილების მთავარ მეცნიერ თანამშრომელს ნუნუ კუტალაძეს ულოცავს 70 წლის იუბილეს.
ნუნუ კუტალაძე დაიბადა 1947 წლის 21 დეკემბერს. წარჩინებით დაამთავრა თბილისის მე - 60 საშუალო სკოლა და სწავლა გააგრძელა საქართველოს სასოფლო სამეურნეო ინსტიტუტში აგროქიმია-ნიადაგმცოდნეობის სპეციალობით. 1970 წლიდან მუშაობა დაიწყო თბილისის ნიადაგმცოდნეობის აგროქიმიის და მელიორაციის სამეცნიერო კვლევით ინსტიტუტში უფროს ლაბორანტად, მეცნიერ-თანამშრომლად. პარალელურად სწავლობდა ამავე ინსტიტუტის ასპირანტურაში, ნიადაგმცოდნეობის განხრით.
