2025 წლის 28 აპრილს -2 მაისს „ერაზმუს +“- ის აკადემიური მობილობის ფარგლებში, ბსუ-ს ზუსტ მეცნიერებათა და განათლების ფაკულტეტის, მათემატიკის დეპარტამენტის პროფესორი, ანზორ ბერიძე და ასოც. პროფ ნინო სვანიძე იმყოფებოდნენ ოსტრავას უნივერსიტეტში, ჩეხეთი.

19-23 მაისს, ბათუმის შოთა რუსთაველის სახელმწიფო უნივერსიტეტის სტრატეგიული განვითარებისა და საერთაშორისო ურთიერთობების დეპარტამენტის მთავარმა სპეციალისტმა, ბესიკ ნარაკიძემ „ერასმუს+“ KA171 პროგრამის ფარგლებში მონაწილეობა მიიღო კოიმბრას პოლიტექნიკურ უნივერსიტეტში (პორტუგალია) გამართულ საერთაშორისო კვირეულში. საერთაშორისო კვირეულის მთავარი თემა იყო ინტერნაციონალიზაცია, უნივერსიტეტებს შორის გამოცდილების გაზიარება/გაცვლა, მშობლიური უნივერსიტეტების პოპულარიზაცია და ახალი პარტნიორების მოძიება.

უნივერსიტეტის იურიდიული და სოციალურ მეცნიერებათა ფაკულტეტის დეკანის მოადგილე, სამართლისა და საჯარო მმართველობის დეპარტამენტის მოწვეული მასწავლებელი სალომე კარალიძე ერასმუს +-ის გაცვლითი პროგრამის ფარგლებში ბულგარეთის "ნეოფიტ რილსკის" სამხრეთ - დასავლეთ უნივერსიტეტში იმყოფებოდა. სალომე კარალიძემ ჩაატარა 8 საათიანი სალექციო კურსი ქართული სამართლის სისტემის განვითარებაში ევროინტეგრაციის გავლენის შესახებ.

2025 წლის 19-23 მაისს, ბსუ-ს ჰუმანიტარულ მეცნიერებათა ფაკულტეტს „ერაზმუს+“-ის გაცვლითი პროგრამის კონსორციუმის ფარგლებში (PEERS) პორტუგალიის მინიოს უნივერისტეტის ასოცირებული პროფესორი რუი რამოსი ეწვია. ვიზიტის ფარგლებში პროფესორმა რამოსმა ჩაატარა ლექციები, პრაქტიკული სემინარები და სამუშაო შეხვედრები ჰუმანიტარულ მეცნიერებათა ფაკულტეტის სტუდენტებისთვის.

2025 წლის 5-9 მაისს „ერაზმუს+“-ის ადმინისტრაციული პერსონალის გაცვლითი პროგრამის ფარგლებში, ბათუმის შოთა რუსთაველის სახელმწიფო უნივერსიტეტში ბიალისტოკის უნივერსიტეტის ადამიანური რესურსების დეპარტამენტის თანამშრომლები მართა ტარაშიუკ და კამილა ლის გაბერ და სტუდენტური საერთო საცხოვრებლის ადმინისტრატორი მართა ზვორნიცკა იმყოფებოდნენ.

2025 წლის 31 მარტიდან 4 აპრილის ჩათვლით „ერაზმუს +“- ის გაცვლითი პროგრამის აკადემიური მობილობის ფარგლებში, ბსუ-ს იურიდიული და სოციალურ მეცნიერებათა ფაკულტეტის, საზოგადოებრივ და პოლიტიკურ მეცნიერებათა დეპარტამენტის ასოცირებული პროფესორი ლაშა ბაჟუნაიშვილი მურსიის უნივერსიტეტში (ესპანეთი) იმყოფებოდა.

2025 წლის 5-9 მაისს, „ერაზმუს +“- ის აკადემიური მობილობის ფარგლებში, ბსუ-ს ეკონომიკისა და ბიზნესის ფაკულტეტის, ბიზნესის ადმინისტრირების, მენეჯმენტის და მარკეტინგის დარგობრივი დეპარტამენტის მოწვეულმა მასწავლებელმა თამთა ვარშანიძემ ლექციები ჩაატარა კროსნოს გამოყენებით მეცნიერებათა უნივერსიტეტის (პოლონეთი) მენეჯმენტის მიმართულების სტუდენტებთან.

2025 წლის 12-16 მაისს, „ერაზმუს+“-ის აკადემიური პერსონალის გაცვლითი პროგრამის ფარგლებში, ბათუმის შოთა რუსთაველის სახელმწიფო უნივერსიტეტში შჩეცინის უნივერსიტეტის პროფესორი ანა ვიეჩორეკ-შიმაინსკა იმყოფებოდა. პროფესორმა ანა ვიეჩორეკ-შიმაინსკამ ბსუ-ს ეკონომიკისა და ბიზნესის ფაკულტეტის სტუდენტებისთვის საჯარო ლექციების ციკლი წაიკითხა „კულტურათშორისი მენეჯმენტი - ადამიანური რესურსების პერსპექტივის“ შესახებ.