ბათუმის შოთა რუსთაველის სახელმწიფო უნივერსიტეტი ბსუ-ს საბაკალავრო საგანმანათლებლო პროგრამების სტუდენტებისთვის აცხადებს აჭარის ავტონომიური რესპუბლიკის განათლების, კულტურისა და სპორტის სამინისტროს მიერ დაფინანსებული გაცვლითი პროგრამის კონკურსს ევროპის უნივერსიტეტებში მობილობის განხორციელების მიზნით 2024-2025 სასწავლო წლის გაზაფხულის სემესტრისათვის.

ბათუმის შოთა რუსთაველის სახელმწიფო უნივერსიტეტი ბსუ-ს სტუდენტებისთვის აცხადებს ევროკომისიის მიერ დაფინანსებული „ერაზმუს+“-ის გაცვლითი პროგრამის კონკურსს ევროპის სხვადსხვა უნივერისტეტში მობილობის განსახორციელებლად 2024-2025 სასწავლო წლის გაზაფხულის სემესტრისათვის (დეტალური ინფორმაცია იხილეთ დანართში 1-ში; გთხოვთ, გაითვალისწინოთ, რომ მიმღები უნივერსიტეტების შესახებ ინფორმაცია, შეიძლება განახლდეს 1 ნოემბრისთვის).

ლექტორებს, ასპირანტებს, დოქტორანტებს, მაგისტრანტებსა და პრაქტიკოს მასწავლებლებს გიწვევთ მონაწილეობა მიიღოთ XIII საერთაშორისო სამეცნიერო-პრაქტიკული კონფერენციაში „საზოგადოების ტრანსფორმაციები სოციალურ და ჰუმანიტარულ მეცნიერებებში“, რომელიც გაიმართება 2024 წლის 13-14 დეკემბერს.

ბალტიის საერთაშორისო აკადემიის სასწავლო და კვლევითი კვირეული, რიგა, ლატვია. სამიზნე ჯგუფი: აკადემიური და არა აკადემიური პერსონალი სხვადასხვა სფეროდან. მონაწილეთა მაქსიმალური რაოდენობა: 20 პროგრამა განხორციელდება ინგლისურ ენაზე. მონაწილეობა შესაძლებელია სწავლების/ტრენინგის ხელშეკრულების საფუძველზე. პროგრამის დასრულების შემდეგ ყველა მონაწილეს გადაეცემა სერტიფიკატი.

ბათუმის შოთა რუსთაველის სახელმწიფო უნივერსიტეტში საერთაშორისო გაცვლითი პროგრამების წარდგენა გაიმართა. ბსუ-ს სტრატეგიული განვითარებისა და საერთაშორისო ურთიერთობების დეპარტამენტის უფროსმა მარინე გიორგაძემ და მთავარმა სპეციალისტმა ლელა თავართქილაძემ სხვადასხვა ფაკულტეტის საბაკალავრო, სამაგისტრო და სადოქტორო პროგრამების სტუდენტებს 2024-2025 სასწავლო წლისთვის გამოცხადებული „Erasmus+“-ის და სხვა გაცვლითი პროგრამები გააცნეს.

სლოვაკეთის სახელმწიფო ქართველი სტუდენტებისათვის აცხადებს სასტიპენდიო პროგრამებს 2024-2025 სასწავლო წლისათვის. სლოვაკეთის სახელმწიფოს ეროვნული სტიპენდიის პროგრამაში (National Scholarship Program) მონაწილეობა შეუძლიათ სტუდენტებს, ასევე უნივერსიტეტის ლექტორებსა და მკვლევრებს.

ბათუმის შოთა რუსთაველის სახელმწიფო უნივერსიტეტი, განათლების, მეცნიერებისა და ახალგაზრდობის სამინისტროს ფინანსური მხარდაჭერით, პირველად მონაწილეობდა საერთაშორისო განათლების ევროპული ასოციაციის (EAIE) ორგანიზებით ქ. ტულუზში (საფრანგეთი) 2024 წლის 17-20 სექტემბერს გამართულ განათლების საერთაშორისო გამოფენასა და კონფერენციაში.

Excellence Initiative – Research University-ის მიერ დაფინანსებული პროექტი - „ნიჭიერი ახალგაზრდა მეცნიერების ჩართვა კვლევით გუნდებში”, არის შესაძლებლობა სტუდენტებისა და დოქტორანტებისთვის ჩაერთონ კვლევებში. კანდიდატებს მოეთხოვებათ მოამზადონ და წარმოადგინონ კვლევის გეგმა, რომელიც განხორციელდება ვარშავის უნივერსიტეტში, კვლევის გეგმას დაამტკიცებს კვლევის ხელმძღვანელი ვარშავის უნივერსიტეტიდან.