გამოცხადდა ლატვიის სახელმწიფო სტიპენდიები 2022-2023 სასწავლო წლისთვის საქართველოს მოქალაქე სტუდენტებისა და აკადემიური პერსონალისთვის. სტიპენდიის მოსაპოვებლად აპლიკანტმა სააპლიკაციო განაცხადი უნდა გააგზავნოს ლატვიის განათლების განვითარების სახელმწიფო სააგენტოში 2022 წლის 1 აპრილამდე, შემდეგი ვებგვერდის საშუალებით: http://www.viaa.gov.lv/scholarships. დეტალური ინფორმაცია სტიპენდიის შესახებ მოცემულია ლატვიის რესპუბლიკის განათლების განვითარების სახელმწიფო სააგენტოს ვებგვერდზე.

შვედეთის ინსტიტუტს აცხადებს საგრანტო კონკურსს ბალტიის ზღვის რეგიონის განვითარების პროექტების დაფინანსება, რომლის მთავარი განმცხადებელი უნდა იყოს დაფუძნებული შვედეთში. განაცხადი უნდა შეიცავდეს მინიმუმ სამ მონაწილეს სამ სხვადასხვა ქვეყანაში, ერთ-ერთი შესაძლებელია იყოს საქართველო. განაცხადის წარდგენის ვადაა 2022 წლის 15 თებერვალი, 15:00 საათი (CET).

საფრანგეთის მთავრობის 2022-2023 წლის სამაგისტრო სტიპენდიები ქართველ სტუდენტებს სთავაზობს საფრანგეთში მაგისტრატურის საფეხურზე სწავლის გასაგრძელებლად სრული დაფინანსების მოპოვების შესაძლებლობას (ფრანგულ ან ინგლისურენოვან პროგრამებზე). პროგრამით მხარდაჭერილი პრიორიტეტული მიმართულებებია: განათლება, სოფლის მეურნეობა, მეტყევეობა, მეთევზეობა, ვეტერინარია, ინჟინერია, წარმოება და მშენებლობა, ინფორმაციისა და კომუნიკაციის ტექნოლოგიები, საბუნებისმეტყველო მეცნიერებები, მათემატიკა და სტატისტიკა, ჰუმანიტარული მეცნიერებები, სოციალური მეცნიერებები, ჟურნალისტიკა და ინფორმაცია, სამართალი, მენეჯმენტი და საჯარო მმართველობა.

უკრაინის მთავრობა საქართველოს მოქალაქეებისთვის 2022-2023 სასწავლო წლისათვის გამოყოფს სტიპენდიებს საბაკალავრო და სამაგისტრო პროგრამებზე შემდეგი მიმართულებით: ჰუმანიტარული მეცნიერებები, სოციალური მეცნიერებები და ტექნიკური მეცნიერებები. აპლიკანტებმა დანართში მითითებული დოკუმენტაცია უნდა წარმოადგინონ საქართველოს განათლებისა და მეცნიერების სამინისტროში (უზნაძის ქ.N52) 2021 წლის 22 მარტის ჩათვლით.

გამოცხადდა კონკურსი თურქეთის სასტიპენდიო პროგრამაში მონაწილეობის მისაღებად. თურქეთის სასტიპენდიო პროგრამა წარმოადგენს მსოფლიოს ერთ-ერთ ყველაზე მასშტაბურ საგანმანათლებლო პროექტს, რომლის ფარგლებშიც საქართველოს მოქალაქეს, თურქეთში სწავლით დაინტერესებულ სტუდენტებს ეძლევათ შესაძლებლობა მოიპოვონ სტიპენდიები საბაკალავრო, სამაგისტრო და სადოქტორო პროგრამებზე.

ცუკუბას უნივერსიტეტი აცხადებს კონკურსს შემდეგი სტიპენდიების მოსაპოვებლად: ერთობლივი იაპონიისა და მსოფლიო ბანკის სამაგისტრო სტიპენდია, აზიის განვითარების ბანკი-იაპონიის სასწავლო პროგრამის სტიპენდია და JICA SDG-ს გლობალური სტიპენდიები.დეტალური ინფორმაციისთვის იხილეთ დანართი. უნივერსიტეტთან დაკავშირება შესაძლებელია შემდეგ ელექტრონულ მისამართზე: www.tsukuba.ac.jp/en

ვენის დიპლომატიური აკადემიის საერთაშორისო ურთიერთობების სკოლა გთავაზობთ გერმანული ენის ინტენსიურ კურსებს. პროგრამაში მონაწილეობა შეუძლია სტუდენტებსა და პროფესორ-მასწავლებლებს. კურსი მსმენელს აძლევს საშუალებას გერმანული ენის გარდა შეისწავლოს და გაიგოს მეტი ავსტრიის პოლიტიკაზე, ისტორიაზე, საზოგადოებასა და კულტურაზე. დეტალები იხილეთ შემდეგ ელმისამართზე: https://www.da-vienna.ac.at/summer_course

რუმინეთის მთავრობის სტიპენდიები საქართველოს მოქალაქეებისთვის 2022 - 2023 აკადემიური წლისათვის. სასტიპენდიო პროგრამაზე განაცხადების მიიღება მხოლოდ ონლაინ პლატფორმის საშუალებით არის შესაძლებელი (https://studyinromania.gov.ro/ https://scholarships.studyinromania.gov.ro ) 2021 წლის 20 დეკემბრიდან 2022 წლის 15 მარტის ჩათვლით. დეტალური ინფორმაციისთვის ეწვიეთ შემდეგ მისამართს: http://mae.ro/en/node/10251