აზერბაიჯანის ნავთობისა და მრეწველობის სახელმწიფო უნივერსიტეტი იწვევს სტუდენტებს საერთაშორისო კონფერენციაში „მომავლის ენერგია: გამოწვევები და შესაძლებლობები“, მონაწილეობის მისაღებად. კონფერენცია გაიმართება 2018 წლის 11-13 სექტემბერს. დამატებითი ინფორმაცია იხილეთ ელექტრონულ მისამართზე.

ჩრდილოეთ იორდანიის მულტიკულტურალიზმის ასოციაცია, იორდანიის ჰაშემიტური სამეფო აცხადებს საერთაშორისო კონფერენციას თემაზე „ადამიანის ეკონომიკური და სოციალური განვითარება“. კონფერენცია ჩატარდება მიმდინარე წლის 22-29 სექტემბერს. დაინტერესების შემთხვევაში უნდა გააგზავნოთ სტატია აღნიშნულ თემასთან დაკავშირებით. დეტალური ინფორმაციისათვის იხილეთ თანდართული ფაილები.

პასაუს უნივერსიტეტი (გერმანია) აცხადებს კონკურსს EFD-ს სტიპენდიების მოსაპოვებლად. საბუთები მიიღება 30 ივლისის ჩათვლით. დეტალური ინფორმაციისათვის იხილეთ დანართი ან მიმართეთ ელ-ფოსტაზე: nana.berulava@hotmail.com

ბათუმის შოთა რუსთაველის სახელმწიფო უნივერსიტეტის სტრატეგიული განვითარებისა და საგარეო ურთიერთობათა დეპარტამენტის უფროსის მოადგილე, ბსუ-ს ერაზმუს+ის კოოდინატორი ნანა ყურშუბაძე ერაზმუს+ ადმინისტრაციული პერსონალის გაცვლითი პროგრამის ეგიდთ, 2-6 ივლისს იმყოფებოდა ალკალას უნივერსიტეტში (ესპანეთი). უცხოელ კოლეგებთან შეხვედრების დროს დაიგეგმა ახალი პროექტებისა და სტუდენტების გაცვლითი პროგრამების განხორციელება, სამომავლო საერთაშორისო თანამშრომლობა. ვიზიტის ფარგლებში საერთაშორისო განყოფილების წარმომადგენლებმა გაცვლითი პროგრამების ეფექტურად მართვის საკითხებ .განიხილეს

რუჟომბეროკის კათოლიკური უნივერსიტეტის საერთაშორისო ურთიერთობების დეპარტამენტის წარმომადგენელი პიტერ ნემეცი ბათუმის შოთა რუსთაველის სახელმწიფო უნივერისტეტს ეწვია. უნივერსირტეტის რექტორის მოადგილესთან თამარ სირაძესთან და დეკანებთან გამართულ შეხვედრაზე სტუმარმა უნივერსიტეტი და მისი საგანმანათლებლო პროგრამები წარმოადგინა. ვიზიტის ფარგლებში ერაზმუს+ის გაცვლითი პროგრამის ფარგლებში დაიგეგმა სამომავლო თანამშრომლობა ბსუ-ს სტარტეგიული განვითარებისა და საგარეო ურთიერთობათა დეპარტამენტთან.

ვროცლავის საუნივერსიტეტო უმაღლესი საბანკო სკოლის პროფესორი ჯოანა ნოგიჩი ერაზმუს+-ის გაცვლითი პროგრამის ფარგლებში ბათუმის შოთა რუსთველის სახელმწიფო უნივერსიტეტს ეწვია. რექტორის მოადგილეებთან ნათია წიკლაშვილთან, თამარ სირაძესთან და ეკონომიკისა და ბიზნესის აკადემიურ პერსონალთან გამართულ შეხვედრაზე სტუმარმა საგანმანათლებლო პროგრამები წარმოადგინა. პროფესორმა ჯოანა ნოგიჩიმ ქართველ კოლეგებს ასევე საკუთარი გამოცდილება გააცნო და ეკონომიკის აქტუალურ საკითხებზე ისაუბრა. ღონისძიება ბსუ-ს სტრატეგიული განვითარებისა და საგარეო ურთიერთობათა დეპარტამენტის ორგანიზებით გაიმართა.

ბსუ-ს სამეცნიერო კვლევების სამსახურის უფროსი თამარ მაჭუტაძე პროგრამა ერასმუს+ის ფარგლებში საფრანგეთში, მონპელიეს უნივერსიტეტის სამეცნიერო კვლევებისა და დოქტორანტურის მართვის დეპარტამენტში იმყოფებოდა. ერთკვირიანი ვიზიტი მიზნად ისახავდა მონპელიეს უნივერსიტეტის სამეცნიერო კვლევების დეპარტამენტისა და დოქტორანტურის მართვის სამსახურების გამოცდილების გაზიარებას. თამარ მაჭუტაძე პროგრამის ფარგლებში შეხვდა პრორექტორს სამეცნიერო მიმართულებით ჯაკ მეღსიეს, სამეცნიერო კვლევების დეპარტამენტის უფროსს ან ბანსელს და დეპარტამენტის სამსახურების წარმომადგენლებს.

ბათუმის შოთა რუსთაველის სახელმწიფო უნივერსიტეტს ზალცბურგის უნივერსიტეტის (ავსტრია) პოლიტიკური მეცნიერებებისა და სოციოლოგიის დეპარტამენტის ხელმძღვანელი, ერაზმუს+ის გაცვლითი პროგრამის კოორდინატორი, ფრანს კოკი ეწვია. პროგრამის წარმომადგენელი ბსუ-ს ერაზმუს+ გაცვლითი პროგრამის კოორდინატორს, ნანა ყურშუბაძეს, სოციალურ და პოლიტიკურ მეცნიერებათა ფაკულტეტის ასოცირებულ პროფესორ ირაკლი გორგილაძეს, ასისტენტ პროფესორ ლაშა ბაჟუნაიშვილს, ერაზმუს+ გაცვლითი პროგრამის სტიპენდიანტებსა და ამავე ფაკულტეტის სტუდენტებს შეხვდა. ფრანს კოკმა ახალგაზრდებს ზალცბურგის უნივერსიტეტის საბაკალავრო და ერთობლივი სამაგისტრო საგანმანათლებლო პროგრამები და საუნივერსიტეტო ცხოვრება გააცნო. შეხვედრისას დაიგეგმა სამომავლო თანამშრომლობა ერაზმუს+-ის პროექტის ფარგლებში ევროპის სხვა უნივერსიტეტების მონაწილეობით.