ბათუმის შოთა რუსთველის სახელმწიფო უნივერსიტეტს სამუშაო ვიზიტით ფრანკოფონიის საუნივერსიტეტო სააგენტოს ხელმძღვანელი საქართველოში თამარ ღარიბაშვილი ეწვია. ბსუ-ს ჰუმანიტარულ მეცნიერებათა ფაკულტეტის დეკანთან, პროფესორ მარინა გიორგაძესთან, სამეცნიერო კვლევების სამსახურის წარმომადგენლებთან, პროფესორ-მასწავლებლებთან, სტუდენტებთან, დოქტორანტებთან გამართულ შეხვედრებზე თამარ ღარიბაშვილმა ფრანგული ფილოლოგიის მიმართულებით თანამშრომლობის გაღრმავების მნიშვნელობაზე ისაუბრა და ფრანგული AUF-ის და CEF პროექტები წარმოადგინა.

2022 წლის 6-8 დეკემბერს, აჭარის მუზეუმში ჩატარდება მეორე საერთაშორისო სამეცნიერო კონფერენცია “მუზეუმი და გლობალიზაცია”. კონფერენციის მონაწილეს გადაეცემა სერტიფიკატი და ნაშრომები დაიბეჭდება აჭარის მუზეუმის სამეცნიერო ჟურნალში - „მუზეუმი და გლობალიზაცია“. კონფერენციაში მონაწილეობა შეუძლიათ ჰუმანიტარული, სოციალური მეცნიერებების, ეკონომიკისა და ბიზნესის მენეჯმენტის დარგების მკვლევრებს.

ევროპის უნივერსიტეტისა და ქუთაისის უნივერსიტეტის ორგანიზებით, 2022 წლის 15 დეკემბერს გაიმართება მეორე საერთაშორისო კონფერენცია „განათლება, ტექნოლოგიები და ინოვაცია“ (ICETI 2022). დეტალურ ინფორმაციას კონფერენციის შესახებ გაეცანით კონფერენციის ვებგვერდზე: www.iceti.eu.edu.ge.

ეროვნული სამეცნიერო ბიბლიოთეკა ეროვნული სამეცნიერო ბიბლიოთეკის განვითარების ფონდის მხარდაჭერით, მეცნიერების პოპულარიზაციისა და მეცნიერთა განვითარების ხელშეწყობის მიზნით ატარებს ქუინსლენდის უნივერსიტეტის მიერ შემუშავებულ პროექტ-კონკურსს: „თეზისი სამ წუთში". სამეცნიერო კვლევითი ნაშრომების კონკურსი ამჟამად მსოფლიოს 60-ზე მეტი ქვეყნის უნივერსიტეტში ტარდება. მონაწილემ 3 წუთში ერთი სლაიდით უნდა შეძლოს კვლევითი ნაშრომის ყველაზე მნიშვნელოვანი ასპექტების პრეზენტაცია.

2022-2023 აკადემიური წლისთვის, რუმინეთის მთავრობის და ფრანკოფონიის უნივერსიტეტის სააგენტოს კოორდინირებით პროგრამა „Eugen Ionescu"-ს ფარგლებში გამოყოფილია კვლევითი და სადოქტორო სტიპენდიები უმაღლესი საგანმანათლებლო დაწესებულებებისათვის. პროგრამა საშუალებას აძლევს დოქტორანტებს და მასწავლებელ-მკვლევარებს მთელი მსოფლიოდან ისარგებლონ სამთვიანი მობილობით რუმინეთის ერთ-ერთ პარტნიორ უმაღლეს სასწავლებელში. სრული ინფორმაცია პროგრამის შესახებ იხილეთ შემდეგ მისამართზე: