ფრაზეოლოგიზმთა კვლევა სხვადასხვა ასპექტითაა შესაძლებელი. მათგან ყველაზე საინტერესო და ამავე დროს აქტუალურია ლინგვოკულტუროლოგიური ანალიზი, ლინგვოპრაგმატიკული ანალიზი, კულტურათშორისი კომუნიკაცია და თარგმნის პრობლემები.

საქართველოს ტურიზმის სტრატეგია 2025-ის მიღებიდან თითქმის ორი წელი გავიდა და ინტერესს მოკლებული არ იქნება გავაანალიზოთ თუ როგორ სრულდება ამ მნიშვნელოვანი დოკუმენტით მითითებული გეგმის ძირითადი მაჩვენებლები. სტატისტიკური მონაცემებით 2016 წელს საქართველოში ტურიზმის ინდუსტრიამ ზრდა განაგრძო, საერთაშორისო შემოსვლებმა პირველად გადააჭარბა 6 მილიონს (ზრდა +7,8%), ხოლო მათ შორის ტურისტულმა შემოსვლებმა 2720970-ს (ზრდა +19,1%).

მსოფლიო ეკონომიკის გლობალიზაციის პირობებში საქართველო ავითარებს ღია ეკონომიკას, რომლის მართვაც მისი პარტნიორი ქვეყნების ეკონომიკებთან მრა-ვალმხრივი საგარეო სავაჭრო–ეკონომიკური, ფინანსური, სამეცნიერო–ტექნიკური პოლიტიკური და სოციალური არხებით ურთიერთდამოკიდებულების გამო, რთულ-დება. ჩვენი ქვეყნის ღია ეკონომიკის წარმატებით მენეჯმენტი მრავალ ეკონომიკურ პრობლემასთან არის დაკავშირებული, რომელთა გადაჭრა ჩვენს ქვეყანას არ შეუძლია დამოუკიდებლად, დანარჩენ სახელმწიფოებთან აქტიური თანამშრომლობის გარეშე.

მხატვრული თარგმანის თეორია, როგორც მეცნიერება, მოიცავს სწავლების ისეთი დარგებს, როგორიც არის პოლიტიკა და იდეოლოგია. ყოველი ნარატივი იტევს ისეთ სოციოლინგვისტურ კონცეპტს, როგორიცაა „ენობრივი პოლიტიკა“, ნარატივის მიკროსამყაროს სუბიექტური რეფლექსია SL ენაზე TL, ნაამბობი - გულისხმობს მთხრობელის სუბიექტურად შერჩეულ ფაბულასა და პერსონაჟებს, მაშასადამე, მას აქვს წარმოდგენილი სრული სურათი: კოლოსალური კომპოზიცია დასაწყისით, განვითარებითა და კულმინაციით, ჟანრობრივი ხდომილების პერიპეტიებითა და ინვარიანტებით, როგორც ერთი კულტურის ავტორისეული ვიზუალიზაცია. კომპოზიციის არსს განსაზღვრავს ავტორის იდეოლოგია. ავტორი, როგორც სუბიექტური მთხრობელი, სათანადო ჟანრულ ფორმასა და ვერბალურ და არავერბალურ (გრაფიკულ) ნიშნებს მიმართავს კომპოზიციის ასამეტყველებლად.

პრობლემური აქტივი სხვადასხვა ორგანიზაციისთვის სხვადასხვაა მაგრამ თანხვედრა შინაარსშია პრობლემურ აქტივებად განვიხილავთ როგორც ფულად რესურს, ფულად მოთხოვნას რომლის დაბრუნებასაც ექმნება ან უკვე შეექმნა მნიშვნელოვანი რისკი, ასევე ისეთ აქტივებსაც რომელიც გადმოცემული იქნა პრობლემური ფულადი რესურსის სანაცვლოდ და რომელთა გამოყენებაც მიზნაშეუწონელი ან შეუძლებელია მისი მიმღების საქმიანობაში.
პრობლემური აქტივების მართვა თავის თავში მოიცავს აქტივების ზუსტ აღწერილობას, ადგილმდებარეობის, საბალანსო და საბაზრო ღირებულებების დადგენას. პრობლემების იდენტიფიკაციას, მათი გადაწყვეტის გზების დასახვას და მათ გადაჭრას.