სუსტ და არაერთგვაროვან გრუნტებზე მშენებარე შენობა-ნაგებობების თანაბარი ჯდომების უზრუნველსაყოფად, ხშირ შემთხვევაში მათ საძირკვლებს აწყობენ ურთიერთგადამკვეთი კოჭებისგან.
შემოთავაზებულია ამ კოჭოვანი საძირკვლების გაანგარიშების მეთოდიკა. შედგენილია წრფივ განტოლებათა სისტემა უცნობი ძალების განსაზღვრის მიზნით, რომლებიც წარმოიქმნებიან კოჭების გადაკვეთის წერტილებში. ამის შემდეგ თითოეული საძირკვლის კოჭი, მასზე მოდებულ ძალებთან ერთად განიხილება და გაანგარიშდება დამოუკიდებლად, როგორც კოჭი მდებარე წრფივად-დეფორმირებად ფუძეზე. განხილულია კონკრეტული საინჟინრო ამოცანის გაანგარიშების მაგალითი. აგებულია მღუნავი მომენტების და გრუნტის რეაქციის ეპიურები, რომლებიც იძლევიან ნათელ წარმოდგენას საძირკვლების კოჭების რეალურ მუშაობაზე.

განხილულია შავ ზღვაში არსებული გოგირდწყალბადის განაწილება ზღვის სიღრმის მიხედვით, მისი წარმოშობის წყაროები და უსაფრთხო მოპოვების ტექნოლოგიური სქემები
ცნობილია, რომ შავ ზღვაში 200 მ სიღრმიდან დაწყებული წყალი გაჯერებულია გოგირდ წყალბადით, რომლის კონცენტრაცია 1 კმ სიღრმემდე იზრდება 0 - დან 12 მგ/ლ - მდე, დაახლოებით 3....5 მგ/ლ სიღრმის ყოველ 300 მ-ზე (წნევის მომატებისას აირის ჯერადობა იზრდება). 1 კმ სიღრმის ქვემოთ გოგირდწყალბადის კონცენტრაცია ზღვის წყალში პრაქტიკულად უცვლელი რჩება და 10....12 მგ/ლ - ს შეადგენს.

განხილულია ლოკალიზებული და კვაზილოკალიზებული ელექტრონული სპინების ანიზოტროპული ურთიერთქმედებების (ურთიერთქმედებები კრისტალურ ველთან და ძიალოშინსკი-მორიას) გავლენა სრული დამაგნიტების განივი მდგენელების რეგულარულ და არარეგულარულ (რელაქსაციურ) მოძრაობაზე.
ჩაწერილია და ამოხსნილია შესაბამისი განტოლებები. მიღებულია რეზონანსული სიხშირის წანაცვლების (რსწ) გამოსახულებები რელაქსაციის გათვალისწინებით სხვადასხვა შემთხვევებში.
მიღებულია რსწ-ს გარე სტატიკური მაგნიტური ველის ორიენტაციაზე დამოკიდებულებების გამოსახულებები.
მაგალითის სახით განხილულია La0.95Sr0.05MnO3 და KCuF3 შენაერთები.
აგებულია ხსენებული ნიმუშების სრული სპინის რსწ-ს კუთხური დამოკიდებულებების გრაფიკები ab, ac, bc კრისტალოგრაფიულ სიბრტყეებში.

ნაშრომში განხილულია ნავთობის მოპოვების დროს არსებული პრობლემები, და წარმოქმნილი ნავთობური ემულსიები. შესწავლილია მათი წარმოქმნის მიზე-ზები. გამოკვლეულია ემულსიის დაშლის პროცესზე მომქმედი ფაქტორები, შერ-ჩეულია დეემულგირების თერმოქიმიური მეთოდი. განსაზღვრულია მექანიკური მინარევების და წყლის შემცველობა საწყის ნედლეულსა და მიღებულ პროდუქ-ტში. ნავთობურ ემულსიაზე მაგნიტური ველის ზემოქმედების მიზნით ჩატარებული იყო ცდები დაბალი სიხშირის მაგნიტური სოლენოიდის გამოყე-ნებით, ჩატარებული ცდების შედეგად დადგინდა, რომ: მაგნიტური ველი აჩქარებს არა მარტო ემულსიიდან წყლის გამოყოფის სიჩქარეს. არამედ ზრდის გამოყოფილი წყლის რაოდენობას. მიღებული შედეგები მოხსენებულია საერთაშორისო კონფერენციაზე: JAPMED’11. Applied Electromagnetic Engineering and Nanomaterials. “Batumi ShotaRustaveli State University” - 2019

ქვეყნის ეკონომიკური მდგომარეობა აიძულებს სახელმწიფოსა და კომპანიებს დროულად გააკეთონ რეაგირება მიმდინარე ცვლილებებზე და განიცადონ მუდმივი ევოლუცია. კომპანიასა უნდა გააჩნდეს მართვის პოტენციალი, რომელიც უზრუნველყოფს დროულ და ადეკვატურ რეაქციას შიდა გარემზე ზემოქმედებისთვის და მისცემს შესაძლებლობას სწორად წარმართოს თავისი საქმე. მართვის ეს პოტენციალი უმეტესწილად უზრუნველყოფილია შიდა კონტროლის წყალობით, რომელიც გარკვეულწილად განსაზღვრავს კომპანიებსა თუ სახელმწიფოებს ფუნქციონირების წარმატებულობას და კონკურენტულ ბრძოლაში გადარჩენას. გარდა ამისა, დიდ როლს თამაშობს დამოუკიდებელი აუდიტორების კონსულტაციები და შესაბამისი მომსახურეობები რისკების შეფასებისა და მართვის საქმეში.