ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის ასოცირებულმა პროფესორმა ლაშა ბაჟუნაიშვილმა და ასისტენტ პროფესორმა არჩილ ვარშალომიძემ 26 თებერვლიდან 5 მარტის ჩათვლით მონაწილეობა მიიღეს გერმანიის ფედერაციულ რესპუბლიკაში 5-დღიან ღონისძიებათა ციკლში. ღონისძიება ითვალისწინებდა სამუშაო შეხვედრებს გერმანიის აღმასრულებელი და საკანონმდებლო ხელისუფლების, სამეცნიერო-კვლევითი ორგანიზაციების, პოლიტიკური ფონდებისა და უნივერსიტეტების წარმომადგენლებთან.

ბსუ-ს საჯარო მმართველობის საგანმანათლებლო პროგრამის მეორე კურსის სტუდენტების პროექტი „ადაპტირებული ბათუმი“ ბათუმის მერიის კონკურსის - „შენი იდეა ბათუმს“ გამარჯვებულია. კონკურსის ხმის მიცემის დასრულების შემდეგ, მონაწილეობითი ბიუჯეტის საბჭოს სხდომაზე პირველ ეტაპზე გამოვლენილი 6 იდეიდან გამარჯვებულად 2 პროექტი დასახელდა, რომლებიც ბათუმის მერიის 2023 წლის ბიუჯეტიდან დაფინანსდება. პროექტის ავტორია ბსუ-ს სტუდენტი დავით კობალაძე და თანაავტორი ბსუ-ს კურსდამთავრებული - შოთა გურგენიძე, ასევე პროექტის ჯგუფის წევრები არიან სტუდენტები: ანეტი ბერიძე, ანამარია ბოლქვაძე, ქრისტინა სურმანიძე და ხვიჩა ცენტერაძე. ბსუ სტუდენტებს ულოცავს გამარჯვებას და უსურვებს წარმატებებს.

ბსუ-ს იურიდიული და სოციალურ მეცნიერებათა ფაკულტეტის ასისტენტ პროფესორი გიგა ფარტენაძე ევროპის პარლამენტის საგარეო ურთიერთობათა საკითხთა კომიტეტში გაივლის პროფესიულ სტაჟირებას. ასისტენტ პროფესორი გიგა ფარტენაძე 2023 წლის თებერვლიდან 5 თვის გამნავლობაში იმუშავებს პარლამენტის საგარეო ურთიერთობათა კომიტეტში, საპარლამენტთაშორისო დელეგაციებისა და საპარლამენტო ასამბლეების ბიურიში, ასევე დაესწრება სამუშაო შეხვედრებსა და პლენარულ სხდომებს ბრიუსელსა და სტასბურგში.

ბათუმის შოთა რუსთაველის სახელმწიფო უნივერსიტეტში წარმატებით დასრულდა სუმის სახელმწიფო პედაგოგიური უნივერსიტეტის სტუდენტთა აკადემიური მობილობა. 2022-2023 სასწავლო წლის შემოდგომის სემესტრში, უკრაინელმა სტუდენტებმა შეისწავლეს იურიდიული და სოციალურ მეცნიერებათა ფაკულტეტის საერთაშორისო ურთიერთობების საბაკალავრო საგანმანათლებლო პროგრამით გათვალისწინებული საგნები - საერთაშორისო საჯარო სამართალი (კერძო ნაწილი), ევროპის გეოპოლიტიკა, საერთაშორისო პოლიტიკური სისტემები, გლობალური პოლიტიკა, და მედია და პოლიტიკა.

ბათუმის ილია ჭავჭავაძის მუზეუმში ბსუ-ს იურიდიული და სოციალურ მეცნიერებათა ფაკულტეტის სამართალმცოდნეობის საბაკალავრო საგანმანათლებლო პროგრამის პირველი სასწავლო წლის სტუდენტთა მონაწილეობით დისკუსია გაიმართა თემაზე: „ილია ჭავჭავაძე როგორც იურისტი“. დისკუსია წარმართა ფაკულტეტის მოწვეულმა მასწავლებელმა ლევან თენიეშვილმა. ილია ჭავჭავაძის იურიდიული საქმიანობისა და სამართლებრივი გადაწყვეტილებების შესახებ სტუდენტებმა - ნიკა ფარტენაძემ, დავით კახიძემ, სანდრო კიკნაძემ, ნინო ლორთქიფანიძემ და მარიამ ნაკაშიძემ - წარმოადგინეს საინტერესო პრეზენტაცია. შეხვედრას სტუდენტებთან ერთად ესწრებოდნენ თხილნარის საჯარო სკოლის მეთერთმეტე კლასის მოსწავლეები.