სულხან საბა ორბელიანის უნივერსიტეტის ორგანიზებით, 25 თებერვალს გაიმართა ვორქშოფი შშმ პირთა სამართლის შესახებ - ჰარვარდის უნივერსიტეტის პროფესორის ჟანეტ ლორდის მონაწილეობით. ვორქშოფში მონაწილეობა მიიღო პროექტის კოორდინატორმა ასოცირებულმა პროფესორმა მალხაზ ნაკაშიძემ. ღონისძიება აშშ-ს საერთაშორისო განვითარების სააგენტოს (USAID) პროგრამის - „კანონის უზენაესობის მხარდაჭერა საქართველოში“ (PROLoG) - გრანტის ფარგლებში საბაუნის და ბათუმის შოთა რუსთაველის სახელმწიფო უნივერსიტეტის პარტნიორობით ჩატარდა.

ბსუ-ს იურიდიულ და სოციალურ მეცნიერებათა ფაკულტეტის ორგანიზებით პირველი კონსტიტუციის 100 წლის იუბილესადმი მიძღვნილი კონფერენცია გაიმართა. კონფერენციაში ბათუმის შოთა რუსთაველის სახელმწიფო უნივერსიტეტის პროფესორ-მასწავლებლებთან ერთად, მონაწილეობდნენ ივანე ჯავახიშვილის სახელობის თბილისის სახელმწიფო უნივერსიტეტის, ევროპის უნივერსიტეტის, სამართლის სამეცნიერო კვლევითი ინსტიტუტის, გორის სახელმწიფო უნივერსიტეტის წარმომადგენლები. შეხვედრაზე განიხილეს 1921 წლის კონსტიტუციის ძირითადი ღირებულებები და მასთან დაკავშირებული მნიშვნელოვანი დეტალები.

საქართველოს პირველი კონსტიტუციის 100 წლის იუბილესადმი მიძღვნილი ჟან მონეს სტუდენტური კონფერენცია „დემოკრატია, ადამიანის უფლებები და კანონის უზენაესობა ევროპის კავშირში“ გაიმართა ბათუმის შოთა რუსთაველის სახელმწიფო უნივერსიტეტში. კონფერენციაზე ჟან მონეს სასწავლო პროგრამის კურსდამთავრებულმა სტუდენტებმა წარმოადგინეს მოხსენებები ევროპის კავშირის ძირითადი ღირებულებების, ევროპული ინტეგრაციის, ევროკავშირში დემოკრატიის და ადამიანის უფლებათა დაცვის საკითხებზე. კონფერენციის მონაწილეებმა ასევე ისაუბრეს 1921 წლის 21 თებერვლის კონსტიტუციის, როგორც საქართველოს პირველი ევროპული კონსტიტუციის და მასში განსაზღვრული ევროპული ღირებულებების, ადამიანის უფლებების და დემოკრატიული ინსტიტუტების შესახებ.

21 თებერვალს, 15:00 საათზე ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტზე, ჟან მონეს კათედრის ორგანიზებით, ჟან მონეს სტუდენტური კონფერენცია გაიხსნება. კონფერენცია ეძღვენა საქართველოს პირველი კონსტიტუციის მიღებიდან 100 წლის საიუბილეო თარიღს. კონფერენციაზე ჟან მონეს სასწავლო პროგრამის კურსდამთავრებული სტუდენტები წარმოადგენენ მოხსენებებს ევროპის კავშირის ძირითადი ღირებულებების, ევროპული ინტეგრაციის, ევროკავშირში დემოკრატიის და ადამიანის უფლებათა დაცვის საკითხებზე.

ბათუმის შოთა რუსთაველის სახელმწიფო უნივერსიტეტის ბაკალავრიატის საფეხურის სტუდენტებისთვის გამოცხადებული ესეების კონკურსის „შობა-ახალი წელი - ძველის შეფასებისა და ახალი იმედების დღესასწაული“ ფარგლებში საუკეთესო ნაშრომად დასახელდა იურიდიული და სოციალურ მეცნიერებათა ფაკულტეტის სამართალმცოდნეობის საბაკალავრო საგანმანათლებლო პროგრამის სტუდენტის ანა პაიჭაძის ნაშრომი „საშობაო ექსპრესი - ანუ, როგორ არ გავხდეთ ანნა კარენინა“. გამარჯვებულს გადაეცემა კონკურსის ინიციატორისა და მხარდამჭერის, ბსუ-ს იურიდიული და სოციალურ მეცნიერებათა ფაკულტეტის პირველი კურსის სტუდენტის ანანო დიასამიძის მიერ დაწესებული პრიზი 100 ლარის ოდენობით.