საქართველოს Erasmus+-ის ეროვნული ოფისის მიწვევით და ბსუ-ს სტრატეგიული განვითარებისა და საერთაშორისო ურთიერთობების დეპარტამენტის წარდგინებით იურიდიულ და სოციალურ მეცნიერებათა ფაკულტეტის ასოცირებულმა პროფესორმა ლაშა ბაჟუნაიშვილმა მონაწილეობა მიიღო ილიას სახელმწიფო უნივერსიტეტში გამართულ საქართველო-ავსტრიის სემინარის მუშაობაში. ორდღიანი სემინარის მიზანი იყო ევროკავშირის დონორი პროგრამების (Erasmus+-ი, Horizon 2020, MSCA) ფარგლებში ქართულ და ავსტრიულ უნივერსიტეტების თანამშრომლობის გაღრმავება, ერთობლივი საგრანტო წინადადებების შემუშავება და კონკრეტული პროექტების ფარგლებში კონსორციუმების ფორმირების შესაძლებლობათა განხილვა იყო.

საერთაშორისო სამეცნიერო-პრაქტიკული კონფერენცია „ეროვნული იდენტობის ფორმირების პრობლემები აღმოსავლეთ ევროპის და ცენტრალური აზიის ქვეყნებში“ გაიხსნა ბათუმის შოთა რუსთაველის სახელმწიფო უნივერსიტეტში. კონფერენციის მიზნად ისახავდა აღმოსავლეთ ევროპის და ცენტრალური აზიის ქვეყნებში ეროვნული აღმშენებლობის პროცესებში გამოვლენილი ნაციონალური (ეთნოკულტურული) და სამოქალაქო იდენტობის კონვერგეციის პროცესების წინააღმდეგობრიობისა და კონფლიქტოგენურობის გაანალიზებას. სესიაზე 30-მდე ქართველი, ყაზახი, მოლდაველი, პოლონელი, ესტონელი მკვლევარმა ბოლო პერიოდში წარმოებული კვლევის შედეგები წარმოადგინეს.

ბათუმის შოთა რუსთაველის სახელმწიფო უნივერსიტეტის რექტორმა მერაბ ხალვაშმა და ყაზახეთის განათლების და კულტურის სამინისტროს ფილოსოფიის, პოლიტოლოგიის და რელიგიათმცოდნეობის ინსტიტუტის დირექტორმა ახან ბიჟანოვამ თანამშრომლობის მემორანდუმს მოაწერეს ხელი. ხელშეკრულება ითვალისწინებს სასწავლო-საგანმანათლებლო და სამეცნიერო პროექტების განხორციელებას. მხარეთა შეთანხმებით, ჩატარდება ერთობლივი საერთაშორისო სამეცნიერო კონფერენციები, კონგრესები, საზაფხულო სკოლები, სემინარები და კულტურული ღონისძიებები.

ბათუმის შოთა რუსთაველის სახელმწიფო უნივერსიტეტის საფაკულტეტო და საუნივერსიტეტო სტიპენდიების კონკურსი დასრულდა. სამართალმცოდნეობის სპეციალობის მესამე სასწავლო წლის სტუდენტმა არჩილ ჯინჭარაძემ შოთა რუსთაველის სახელობითი საუნივერსიტეტო სტიპენდია მოიპოვა, სამართალმცოდნეობის საბაკალავრო საგანმანათლებლო პროგრამის მესამე სასწავლო წლის სტუდენტმა თეონა მოსიძემ სერგო ჯორბენაძის სახელობითი საფაკულტეტო სტიპენდია, ხოლო საერთაშორისო საბაკალავრო საგანმანათლებლო პროგრამის მეოთხე სასწავლო წლის სტუდენტმა ლია ირემაძემ აბუსერიძის სახელობის სტიპენდია. კონკურსი იყო ასევე გამოცხადებული ავთანდილ ბარათაშვილის სახელობის სტიპენდიის მოსაპოვებლად.

9-12 მაისს, ბსუ-ში ფსიქოლოგიის კლინიკის ფსიქოთერაპევტებისა და სოციალურ მეცნიერებათა დეპარტამენტის აკადემიური პირებისთვის მეოთხე სემინარი „მუშაობა მშობლებთან და ოჯახის წევრებთან“ ჩატარდა სხეულზე ორიენტირებული ფსიქოთერაპიის საერთაშორისო კურსის „სხეულზე ორიენტირებული ფსიქოთერაპია შშმ პირებთან და მათ ოჯახის წევრებთან“ ფარგლებში. სწავლების მონაწილეები გაეცნენ „შშმპ ბავშვებისა და ოჯახის წევრების ურთიერთობის საკითხებს“, შეისწავლენ ჯგუფური თერაპიის ჩატარების ზოგადი წესები, ჯგუფური სესიების დაგეგმვა დაჯგუფის წაყვანის პრაქტიკული უნარები. ტრენინგი ურაინის სხეულზე ორიენტირებული ფსიქოთერაპიის ასოციაციის თავჯდომარემ ირინა კაჩურამ ჩაატარა.