ახალი ამბები

ჯანმრთელობის მსოფლიო ორგანიზაციის (WHO) მხარდაჭერით, დაავადებათა კონტროლის ეროვნული ცენტრის წარმომადგენლებმა Covid-19-ის საწინააღმდეგო ვაქცინაციის შესახებ ბათუმის შოთა რუსთაველის სახელმწიფო უნივერსიტეტის წარმომადგენლებთან საინფორმაციო შეხვედრა გამართეს. შეხვედრაზე ყურადღება გამახვილდა ეპიდვითარებასა და ვაქცინაციაზე მსოფლიოსა და საქართველოში, ვაქცინაციაზე, როგორც COVID-19-თან ბრძოლის უალტერნატივო საშუალებაზე, განათლების სისტემაში იმუნიზაციის პროცესის მნიშვნელობასა და უსაფრთხო საგანმანათლებლო გარემოს შექმნაზე.

ბათუმის შოთა რუსთაველის სახელმწიფო უნივერსიტეტს ვარშავის უნივერსიტეტის რექტორი ალოიძი ნოვაკი, ვარშავის უნივერსიტეტის პროფ. რადოსლავ კარასიევიჩ-შჩიპიორსკი, კრუკოვსკის პოლონურ-ქართული ინტერდისციპლინარული კვლევითი ცენტრის დირექტორი იაცეკ ჰამბურგი და თბილისის პოლონური ინსტიტუტის დირექტორი ლეხ კონჩაკი ეწვივნენ.

დღეს, ბათუმის შოთა რუსთაველის სახელმწიფო უნივერსიტეტში კოვიდუსაფრთხოების წესების დაცვით პირველკურსელთა რეგისტრაცია დაიწყო. რეგისტრაციის პარალელურად სტუდენტები საკონსულტაციო ცენტრში ღებულობენ დეტალურ ინფორმაციას უნივერსიტეტში მოქმედ სამართლებრივ რეგულაციებზე, სწავლის საფასურის გადახდის წესზე, გაცვლით პროგრამებზე, სოციალურ პროექტებზე, სტიპენდიებსა და შემოქმედებით წრეებზე.
პირველკურსელთა რეგისტრაცია გრძელდება 15 სექტემბრის ჩათვლით.

ბათუმის შოთა რუსთაველის სახელმწიფო უნივერსიტეტის რექტორის მოადგილემ თამარ სირაძემ და ზუსტ მეცნიერებათა და განათლების ფაკულტეტის დეკანმა ლელა თურმანიძემ მონაწილეობა მიიღეს გაეროს ბავშვთა ფონდის მიერ წყალტუბოში გამართულ სემინარში. ორდღიანი სემინარის ფარგლებში მონაწილეებმა განიხილეს ბავშვის უფლებათა ცენტრების ხედვა, მისია და სტრატეგიული მიზნები. ღონისძიებაში ჩართული იყვნენ იმ შვიდი პარტნიორი სახელმწიფო უნივერსიტეტის რექტორები და წარმომადგენლები, სადაც ბავშვის უფლებების ცენტრებია გახსნილი.

24 აგვისტო საქართველოს კონსტიტუციის დღეა!

საქართველოს პრეზიდენტისაგან ბათუმის შოთა რუსთაველის სახელმწიფო უნივერსიტეტმა, კონსტიტუციის დღესთან დაკავშირებით, საჩუქრად მიიღო მისივე ინიციატივით, ქართულ-აფხაზურ ენაზე გამოცემული კონსტიტუცია.