ბათუმის შოთა რუსთაველის სახელმწიფო უნივერსიტეტის რექტორის მოადგილემ თამარ სირაძემ პროექტის „ცოდნისა და უნარების განვითარების ქსელებისა და პლატფორმების გაძლიერება“ (LINKS) ფარგლებში, ხელი მოაწერა ურთიერთთანამშრომლობის მემორანდუმს, რომელიც მხარეებს შორის აქტიური თანამშრომლობით, ხელს შეუწყობს ახალგაზრდების დასაქმებას აჭარის რეგიონში.
ევროპის დღეები 2021"-ის ფარგლებში ციფრული საუბრების ფორმატში, საქართველოში ბულგარეთის ელჩი დესისლავა ივანოვა ბათუმის შოთა რუსთაველის სახელმწიფო უნივერსიტეტის სტუდენტებს შეხვდა.100-მდე სტუდენტისთვის გამართულ ციფრულ შეხვედრას მოდერაცია გაუწია საგარეო საქმეთა სამინისტროს ნატოსა და ევროკავშირის საინფორმაციო ცენტრის დირექტორმა თამარა წულეისკირმა, რომელმაც საინფორმაციო ცენტრის საქმიანობასა და ევროპის დღეების მიმდინარეობაზე ისაუბრა.
ბათუმის შოთა რუსთაველის სახელმწიფო უნივერსიტეტში ევროპის დღის აღსანიშნავად იურიდიული და სოციალურ მეცნიერებათა ფაკულტეტზე, ახალი სასწავლო და კვლევითი სივრცე - ჟან მონეს კათედრა გაიხსნა. კათედრა მიზნად ისახავს რეგიონში ევროპული ღირებულებების პოპულარიზაციას, ევროკავშირის შესახებ კვლევებისა და სწავლების განვითარების ხელშეწყობას. სამი ახალი სასწავლო კურსის დანერგვას, აკადემიური ღონისძიებების ორგანიზებას, ახალგაზრდების ჩართულობასა და კვლევების განხორციელებას. კვლევით სივრცეში განთავსდება ლიტერატურა და ინფორმაცია ევროკავშირის შესახებ.
ბათუმის შოთა რუსთაველის სახელმწიფო უნივერსიტეტის რექტორმა მერაბ ხალვაშმა და კომპანია „ელთ ბილდინგის" დირექტორმა ელგუჯა თურმანიძემ თანამშრომლობის მემორანდუმს მოაწერეს ხელი. ხელშეკრულება მიზნად ისახავს სტაჟირებას და ერთობლივი საგანმანათლებლო პროექტების განხორციელებას. „ელთ ბილდინგის" სახელობითი სტიპენდია დაენიშნება სხვადასხვა ფაკულტეტის წარჩინებულ სტუდენტებს. მემორანდუმის ფარგლებში სტუდენტები სასწავლო და პროფესიულ პრაქტიკას გაივლიან მხარეთა არსებულ ბაზაზე. ასევე, იგეგმება სტუდენტთა საკონფერენციო, საბაკალავრო, სამაგისტრო და სადოქტორო ნაშრომების ექსპერიმენტული ნაწილის ჩატარება.
ბათუმის შოთა რუსთაველის სახელმწიფო უნივერსიტეტი 2021 წლის 23 -24 აპრილს „ერასმუს+“-ის ინსტიტუციური განვითარების პროექტის „ინოვაციები კურიკულუმში სოციალური ჩართულობის მხარდასაჭერად“ (CISI) ქართველი პარტნიორების სამუშაო შეხვედრებს მასპინძლობს. შეხვედრების მიზანია ბსუ-ს ადმინისტრაციისა და ზუსტ მეცნიერებათა და განათლების ფაკულტეტის წარმომადგენლებისთვის პროექტის ფარგლებში შემუშავებული სასწავლო კურსების წარდგენა და მომზადებული სალექციო მასალების შესახებ ინფორმაციის მიწოდება.
