ბათუმის შოთა რუსთაველის სახელმწიფო უნივერსიტეტის სხვადასხვა ფაკულტეტის სტუდენტები „ერაზმუს+“-ის გაცვლითი პროგრამის ფარგლებში, სასწავლო სემესტრს ევროპის წამყვან უნივერსიტეტებში გადიან. „ერაზმუს+“-ის გაცვლით პროგრამაში გამარჯვებულ სტუდენტთა სია იხილეთ ბმულზე.
„ერასმუს+“-ის ინსტიტუციური თანამშრომლობის პროექტების (CBHE) 2020 წლის კონკურსის შედეგები ცნობილია. ქართველი პარტნიორების მონაწილეობით შვიდი ახალი პროექტი დაფინანსდა, მათგან ხუთი ბათუმის შოთა რუსთაველის სახელმწიფო უნივერსიტეტის პარტნიორობით განხორციელდება.
ბათუმის შოთა რუსთაველის სახელმწიფო უნივერსიტეტი მონაწილეობს პროექტში „მეცნიერება კაპიტანია“. საქართველოს განათლებისა და მეცნიერების სამინისტრო ევროკავშირის კვლევებისა და ინოვაციის ჩარჩო პროგრამის "ჰორიზონტი -2020" მარი სკლადოვსკა-კიურის კონკურსში "ევროპელ მკვლევართა ღამე" გამარჯვებულ პროექტს "მეცნიერება კაპიტანია" ახორციელებს. პროექტის მიზანია, საზოგადოებამ უკეთ გაიგოს, თუ რა დადებითი ზეგავლენა აქვს მეცნიერთა საქმიანობას თითოეული მოქალაქის ყოველდღიურ ცხოვრებაზე, უბიძგოს ახალგაზრდებს სამეცნიერო-კვლევითი კარიერის არჩევისკენ და გააძლიეროს მეცნიერის იმიჯი საზოგადოებაში.
განათლების ხარისხის განვითარების ეროვნულმა ცენტრმა თანამშრომლობის მემორანდუმი გააფორმა ბათუმის შოთა რუსთაველის სახელმწიფო უნივერსიტეტთან, ივანე ჯავახიშვილის სახელობის თბილისის სახელმწიფო უნივერსიტეტთან და აკაკი წერეთლის სახელმწიფო უნივერსიტეტთან. ხელშეკრულების მიზანია, ევროკავშირის დაფინანსებული საჯარო სამსახურების დაძმობილების (TWINNING) პროექტის ხელშეწყობით კლასტერული აკრედიტაციის პროცედურების პილოტირება, რომლის ფარგლებშიც განხორციელდება განმავითარებელი შეფასება ჰუმანიტარული მეცნიერებების სფეროს საბაკალავრო, სამაგისტრო და სადოქტორო საფეხურების პროგრამებზე.
ბათუმის შოთა რუსთაველის სახელმწიფო უნივერსიტეტს, ორგანიზაცია ეგერია სოლუშენსსა და კონრად ადენაუერის ფონდს შორის თანამშრომლობის მემორანდუმი გაფორმდა. დოკუმენტი ითვალისწინებს პროექტის „ახალგაზრდების ცნობიერების ამაღლება ევროპული ინტეგრაციის შესახებ - გამოწვევები და პერსპექტივები“ ფარგლებში, ერთობლივი საგანმანათლებლო პროექტების განხორციელებას. მომზადდება ერთსემესტრიანი სასწავლო კურსი საქართველოს ევროპული ინტეგრაციის საკითხებზე არაპროფილური ფაკულტეტების სტუდენტებისთვის და დაინერგება ბსუ-ში. პროექტს ადენაუერის ფონდის მხარდაჭერით ეგერია სოლუშენსი ახორციელებს და მისი მიზანია ახალგაზრდების ცნობიერების ამაღლება საქართველოს ევროპული ინტეგრაციის პროცესზე, მასთან დაკავშირებულ გამოწვევებსა და პერსპექტივებზე.
