ახალი ამბები

ბათუმის შოთა რუსთაველის სახელმწიფო უნივერსიტეტში ხორციელდება ბულგარეთის რესპუბლიკის საგარეო საქმეთა სამინისტროს მიერ დაფინანსებული საგრანტო პროექტი „ბულგარული გამოცდილების გაზიარება ბათუმის სახელმწიფო უნივერსიტეტში“, რომელიც ითვალისწინებს თანამშრომლობას სოფიას კლიმენტ ოჰრიცკის სახელობის სახელმწიფო უნივერსიტეტის ჟურნალისტიკისა და მასობრივი კომუნიკაციების ფაკულტეტთან. პროექტის ფარგლებში სამაგისტრო პროგრამის „ციფრული მედია და ინოვაციები“ ოთხი სტუდენტი ანა ბაჟუნაიშვილი, ელიზა ეფაძე, მარიამ ხალვაში, დიანა ცეცხლაძე და სოციალურ მეცნიერებათა დოქტორი ლაშა ზარგინავა სასწავლო ვიზიტით იმყოფებოდა სოფიას უნივერსიტეტში.

ბათუმის შოთა რუსთაველის სახელმწიფო უნივერსიტეტი შეურთდა პროექტს „ჩვენი და ქვეყნის პროგრესისთვის - შეაგროვე ცოდნა". ინიციატივა ითვალისწინებს სხვადასხვა პენიტენციურ დაწესებულებაში მყოფი მსჯავრდებულისთვის 16 000-მდე წიგნის შეგროვებას. ბსუ-ს პროფესორ-მასწავლებლებმა და ადმინისტრაციის წარმომადგენლებმა მსჯავრდებულთა პროფესიული მომზადებისა და გადამზადების ცენტრს მსჯავრდებულებისთვის საჩუქრად მხატვრული ლიტერატურა გადასცეს.

ბათუმის შოთა რუსთაველის სახელმწიფო უნივერსიტეტის რექტორმა, პროფესორმა მერაბ ხალვაშმა და ევროპის რეგიონთა ინსტიტუტის (IRE) პრეზიდენტმა, პროფესორმა ფრანც შაუსბერგერმა თანამშრომლობის მემორანდუმს მოაწერეს ხელი. ხელშეკრულება ითვალისწინებს ერთობლივი საგანამანათლებლო-სამეცნიერო პროექტებისა და გაცვლითი პროგრამების განხორციელებას. მემორანდუმის ფარგლებში ჩატარდება ერთობლივი სამეცნიერო კონფერენციები, საზაფხულო სკოლები სემინარები და ტრენინგები.

ბათუმის შოთა რუსთაველის სახელმწიფო უნივერსიტეტს ევროპის რეგიონთა ინსტიტუტის (IRE) დელეგაცია ეწვია. ინტიტუტის პრეზიდენტი, პროფესორი ფრანც შაუსბერგერი, ინსტიტუტის პოლიტიკის საკითხში მრჩეველი სტეფან ჰაბოკი, ინსტიტუტის გენერალური მდივანი, დოქტორი იოაჰიმ ფრიცი და ინსტიტუტის მმართველი გუნდის წევრი, დოქტორი ჰელმუთ ჰალშლეჰნერი ბსუ-ს რექტორს, პროფესორ მერაბ ხალვაშს, პროფესორ-მასწავლებლებს, სტუდენტებს შეხვდენენ და ინსტიტუტი წარუდგინეს. ვიზიტის ფარგლებში ევროპის რეგიონთა ინსტიტუტის (IRE) პრეზიდენტმა, პროფესორმა ფრანც შაუსბერგერმა ლექცია წაიკითხა ევროპის რეგიონთა ინსტიტუტის, ევროკავშირისა და საქართევლოს ურთიერთობის თემაზე და საქართველოს ევროინტეგრაციის პროცესი შეაფასა. შეხვედრა კითხვა-პასუხის რეჟიმში წარიმართა და მომხსენებლმა აქტუალურ შეკითხვებს უპასუხა.

ბათუმის შოთა რუსთაველის სახელმწიფო უნივერსიტეტში „ახალგაზრდული ფორუმი-მდგრადი განვითარებისა და ევროინტეგრაციისთვის” ფარგლებში, საქართველო-ევროკავშირს შორის ასოცირების შეთანხმებისა და ქვეყნის ეკონომიკური განვითარების საკითხებზე პანელური ფორმატის დისკუსია გაიმართა. ფორუმი მიზნად ისახავდა ახალგაზრდების ინფორმირებულობის, ჩართულობისა და გადაწყვეტილების მიღების პროცესში მონაწილეობის გაზრდას, ინოვაციური ხედვების წარმოჩენას და ასახვას ამოცანების შესრულებისას, მათ შორის, გაეროს მდგრადი განვითარების მიზნებისა და საქართველოს ევროპული ინტეგრაციის საკითხებზე.