ახალი ამბები

ამერიკის შეერთებული შტატების ელჩი საქართველოში ჯონ ბასი რსუ-ს სოციალურ მეცნიერებათა, ბიზნესისა და სამართალმცდონეობის ფაკულტეტის იურიდიულ კლინიკას სტუმრობდა. დიპლომატმა კლინიკის საქმიანობა დადებითად შეაფასა და მომავალ იურისტებს არჩეული პროფესიის მნიშვნელობაზე ესაუბრა. ბატონ ჯონ ბასის განცხადებით, იურიდიული კლინიკა მნიშვნელოვან როლს ასრულებს ქვეყანაში კანონის უზენაესობის დაცვისა და დემოკრატიული ღირებულებების განმტკიცებაში

ღია კარის დღეების ფარგლებში უნივერსიტეტის წარდგინება გაიმართა ხულოს, შუახევის, ქედის, ქობულეთისა და ხელვაჩაურის რაიონების საჯარო სკოლების მეთორმეტე კლასელებისთვის. უმაღლესი სასწავლებლის პროფესორ-მასწავლებლებმა მომავალ სტუდენტებს ბათუმის სახელმწიფო უნივერსიტეტში სწავლების პირობები გააცნეს და მათ მიერ დასმულ შეკითხვებს უპასუხეს. დამამთავრებელი კლასის მოსწავლეებს გაზეთ ,,ბათუმის უნივერსიტეტის“ სპეციალური გამოშვება დაურიგდათ, რომლის საშუალებითაც აბიტურიენტები მათთვის საჭირო ინფორმიაციას დეტალურად გაეცნობიან

ღია კარის დღეები შოთა რუსთაველის სახელმწიფო უნივერსიტეტმა სააქტო დარბაზში, ბათუმის საჯარო სკოლების დამამთავრებელი კლასის მოსწავლეებთან შეხვედრით დაიწყო. ერთთვიანი პროექტი საქართველოს სხვადასხვა რეგიონის აბიტურიენტთათვის რსუ-ს საგანმანათლებლო პროგრამების, სერვისების, უცხოეთთან ურთიერთობების, სტუდენტური ცხოვრების, სამეცნიერო-კვლევითი საქმიანობის, სოციალური პროგრამებისა და საკვირაო სკოლის პრეზენტაციას ითვალისწინებს.

შოთა რუსთაველის დარბაზში პროფესორმა პაატა კერვალიშვილმა უნივერსიტეტის სტუდენტებისა და პროფესორ-მასწავლებლებისათვის ღია ლექცია წაიკითხა თემაზე: ,,კვანტური ინფორმატიკა და მიკრო, ნანო და პიკოტექნოლოგიები“. მეცნიერმა შეკრებილ საზოგადოებას საერთაშორისო სამეცნიერო პროექტების ფარგლებში განხორციელებული ულტრა თანამედროვე ტექნოლოგიების კვლევების შედეგები გააცნო

რსუ-ს აკადემიურმა საბჭომ განსაკუთრებული დამსახურე- ბისათვის ემერიტუსის წოდება მიანიჭა უნივერსტეტის შვიდ სრულ პროფესორს: აკაკი ბერიძეს, ამირან კახიძეს, ბიჭიკო დიასამიძეს, ანზორ დიასამიძეს, მურმან დავითაძეს, რევაზ ზოსიძესა და თემურ გოგმაჩაძეს. უნივერსიტეტის რექტორმა დამსახურებულ პროფესორებს მადლობა გადაუხადა უმაღლესი სასწავლებლის განვითარებაში შეტანილი წვლილისათვის და აკადემიური საბჭოს სახელით სიგელები გადასცა